Хаартыска: СИА.
Арктика олохтоохторугар көмө саҥа миэрэтэ Айсен Николаев сорудаҕынан оҥоһулунна. Бу туһунан тутуу миниистирэ Виктор Романов быһа эпииргэ иһитиннэрдэ.
Арктика 13 улууһун олохтоохторугар чааһынай дьиэ тутталларыгар тутуу матырыйаалын аҕаларга көмөлөһүөхтэрэ. Тиэрдиитин Арктикатааҕы эргиэн-логистика хампаанньата босхо тиэрдэн биэриэҕэ.
— Бүгүҥҥү күҥҥэ туох тэрээһин, дьайыы ыытылларын быһаардыбыт, сотору кэминэн Арктикаҕа чааһынай дьиэни туттууну өйүүр миэрэлэри ылыыахпыт. Арктикатааҕы эргиэн-логистика хампаанньатын нөҥүө матырыйааллары тиэрдиэхпит. Ол эбэтэр, дьиэ туттуон баҕарбыт киһи Дьокуускайга кэлэн тутуу матырыйаалын атыылаһар уонна хампаанньа баазатыгар аҕалан уурдарар. Оттон хампаанньа кыһыҥҥы суолунан, эбэтэр, уунан тиэйэн, хоту улууска тиэрдэн биэрэр.
Биир бырыссыап аҥаара, холобур, 25 туонна, эбэтэр 60 кууб буолар, маны Арктикаҕа тиэрдэргэ кырата 900 тыһыынча солкуобайы төлүөххэ наада. Бу улахан суума. Ол иһин Арктика олохтоохторо дьиэ тутталлара ыарахан. Оттон бу көмө Арктикаҕа саҥа дьиэни туттуу сыанатын биллэ намтатыаҕа, — диэн Виктор Романов кэпсээтэ.
Арктикатааҕы эргиэн-логистика хампаанньата Арктика улуустарыгар эргиэн-логистика кииннэрин тутар. Ил Дархан Айсен Николаев Анал этиитигэр бэлиэтээбитинэн, 2025 сылга Баатаҕай Алыыта, Өлөөн, Чокуурдаах бөһүөлэктэригэр үс маннык киин тутуллан, үлэҕэ киириэхтээх. Оччоҕо Арктика бары улуустарыгар эргиэн-логистика кииннэрэ баар буолаллар. Хоту дойдуга кыһыҥҥы таһаҕаһы тиэрдиигэ бу кииннэр улахан оруоллаахтар.
Бүгүн, бэс ыйын 1 күнүгэр, П.А.Ойуунускай аатынан Саха Академическай тыйаатырыгар бойобуой дьайыы бэтэрээннэрин күнүн бэлиэтээһинэ…
Ааспыт нэдиэлэ устата түөкүттэр буруйу оҥорор дьайыыларыттан өрөспүүбүлүкэ 15 олохтооҕо эмсэҕэлээтэ, кинилэртэн албыннатан былдьаппыт харчыларын…
Өрөспүүбүлүкэ киин куоратын уулуссаларыгар «дрифтээбит» 27 саастаах Дьокуускай олохтооҕо холуобунай дьыалатыгар бириигэбэрэ таҕыста. Кини РФ…
2023 сыллаахха сэтинньи 23 күнүгэр Ил Дархан Айсен Николаев өрөспүүбүлүкэ олоҥхоһуттарыгар, оһуохайдьыттарыгар уонна тимир уустарыгар…
Оройуоннааҕы борокуратууралар ирдэбиллэринэн, Саха сиригэр элбэх кыбартыыралаах дьиэлэргэ эрэгийиэн операторыгар өрөмүөн үлэтин ыытарга эбээһинэстиир туһунан…
Бүгүн Байыаннай дьайыы бэтэрээннэрин күнэ. Саха сирин улуустарыгар бу бэлиэ күнүнэн араас сылларга байыаннай дьайыыларга,…