Аһы-үөлү Арктикаҕа тиэйиигэ чычаас ууга устар кыахтаах суудуналар Халыма өрүһүнэн 42,7 туонна аһы-үөлү тиэртилэр. Үгэс курдук сөмөлүөтүнэн илдьэрдээҕэр ороскуоттара кыра, диэн «Якутоптторг» иһитиннэрэр.
“Халыма өрүһүнэн аһы-үөлү тиэрдии саҥа ньымата уустук суоллаах-иистээх оройуоннары хааччыйарга барыстаах. Тырааныспар ороскуотун чэпчэтэр уонна тиэрдиллэр бородууксуйа кээмэйин улаатыннарар”, — диэн “Якутоптторг” чопчулуур.
Ол курдук, Зырянка бөһүөлэгэр инновационнай суудуналар 12,7 туонна аһылыгы тиэйдилэр, итинтэн оҕуруот аһа уонна фрукта – 4,2 туонна, үүт аһылык – 3 туонна, сымыыт – 3 туонна, сок – 1,6 туонна уо.д.а. Орто Халыма куоракка 30 туоннаны сүөкээтилэр: оҕуруот аһа – 20 туонна, үүт бородууксуйата – 2 туонна, сымыыт – 2 туонна, оҕуруот аһын кэнсиэрбэтэ – 1,5 туонна.
Саха Өрөспүүбүлүкэтин Ил Дархана Айсен Николаев олоҕу-дьаһаҕы хааччыйыы бигэ туруктаах, хойутаппакка хааччыйыллыахтааҕын туһунан эппитэ. Онон Арктика 13 оройуонугар эргиэн-логистика кииннэрэ тэриллэллэр. Бүгүн Халыматааҕы эргиэн-логистика киинигэр Орто Халыма куорат, Черскэй бөһүөлэгэ уонна Анаабыр улууһун Сааскылаах сэлиэнньэтэ киирсэллэр.
Аһынан-үөлүнэн быыстала суох хааччыйар туһугар ас-үөл саппааһа тэриллэр. Бу кииннэр өссө анараа миэстэтигэр бэлэмнэммит бородууксуйаны куоракка тиэйиини тэрийэллэр.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Ил Дархан Айсен Николаев сорудаҕынан Бырабыыталыстыба бэрэссэдээтэлин бастакы солбуйааччы Дмитрий Садовников салайааччылаах уу содулун туоратар…
Нам улууһугар халаан уутуттан 21 ыал уһаайбата босхолонно, ол иһигэр Граф Биэрэгэр уонна Ымыйахтаах сэлиэнньэлэригэр…
Горнай улууһун Бэрдьигэстээх сэлиэнньэтигэр ыам ыйын 20 күнүгэр биэс ынах биир тэҥинэн өлбүттэрин төрүөтүн быһаараллар.…
Арассыыйа ЫБММ сүрүн управлениетын Саха сиринээҕи ыксаллаах быһыы-майгы управлениетын киинэ иһитиннэрэринэн, бэнидиэнньик киэһэ, ыам ыйын…
Ыам ыйын 19 күнүгэр Дьокуускай куоракка, киэһэ 19 чаас саҕана, сокуоннай сааһын ситэ илик оҕону…
Анал байыаннай дьайыы саҕаланыаҕыттан Саха сирин быраастара саҥа территорияларынан олохтоох дьоҥҥо мэдиссиинэ көмөтүн оҥороллор. Бу…