Хаартыска: «Өлүөнэ очуостара» ТГ-ханаала
Аллайыаха оройуонугар «Кыталык» национальнай пааркаҕа учуонайдар илиҥҥи популяциятааҕы кыталыктар сымыыттарын хомуйдулар.
Кинилэри Рязань уобалаһыгар Окскайдааҕы судаарыстыбаннай айылҕа заповеднигын сиригэр-уотугар баар сэдэх көрүҥнээх туруйалар питомниктарыгар ыытыахтара.
Сымыыттан тахсыбыт көтөрдөрү сүтэр-эстэр кутталга сылдьар арҕааҥҥы популяциятааҕы кыталыктар бэрэстэбиитэллэрин кытта холбуохтара. Бу туһунан «Өлүөнэ очуостара» ТГ-ханаала суруйар.
«Арҕааҥҥы уонна илиҥҥи популяциялар генетическэй өттүнэн майгыннаһаллар, үөскүүр эрэ сирдэринэн атыннаахтар. Биһиэхэ 20 сымыыты хомуйарга көҥүл баара, ол эрээри икки күн иһигэр исписэлиистэр алтаны хомуйдулар. Бу эмиэ туйгун көрдөрүү. Ааспыт сылларга үстэн биэскэ диэри сымыыты булаллар этэ. Экспедиция сүрүн сыала – арҕааҥҥы популяциятааҕы кыталыктары харыстааһын уонна чөлүгэр түһэрии», – диэн кэпсээтэ «Өлүөнэ очуостара» национальнай паарка дириэктэрэ Аркадий Семёнов.
Күүтүллэринэн, сотору кэминэн үс сымыыттан «оҕолор» биэс хонук иһинэн тахсыахтара. «Кыталык» национальнай паарка Саха сирин Аллайыаха оройуонугар баар. Эспэдиссиийэ күн-дьыл туругуттан сылтаан уустугура сылдьыбыт. Көтөр күннэригэр хаар түспүт, онон исписэлиистэр эспэдииссийэ бастакы күнүгэр икки эрэ сымыыты булбуттар.
Санатан эттэххэ, «Кыталык» национальнай паарка сиригэр-уотугар ураты эспэдииссийэ бэс ыйын 14 күнүттэн 19 күнүгэр диэри ыытыллыбыт. Эспэдииссийэ састаабыгар Бүтүн Арассыыйатааҕы «Экология» научнай-чинчийэр институтун, Окскайдааҕы судаарыстыбаннай айылҕа биосфернай заповеднигын, «Өлүөнэ очуостара» национальнай пааркатын, РАН Криолитозона биологическай проблемаларын институтун уонна да атын идэлээх тэрилтэлэр исписэлиистэрэ киирбиттэрэ.
"Саха Өрөспүүбүлүкэтигэр тулаайах уонна көрүүтэ-истиитэ суох хаалбыт оҕолору дьиэнэн хааччыйыы" бырагырааманнан быйыл Үөһээ Бүлүү улууһугар…
Бүгүн, алтынньы 15 күнүгэр, СӨ Быыһыыр сулууспатыгар Эдьигээн улууһугар эр киһи сүппүтүн туһунан иһитиннэрии киирбит.…
«Уһук Илиҥҥи федеральнай уокурукка табыгастаах куортам дьиэтэ» бырагыраама чэрчитинэн, өрөспүүбүлүкэҕэ чэпчэтиилээх усулуобуйанан дьиэни куортамҥа ылыан…
Сэтинньи 1 күнүттэн Арассыыйаҕа биир киһи суотабай бары оператордарыгар 20-тэн тахса SIM-каарталанара көҥүллэммэт буолуоҕа. SIM-каарталары…
Бүгүн Ньурба улууһун баһылыга Алексей Иннокентьев «Саха сирэ – Дьоруойдар сирдэрэ» кадровай бырагыраама курсааннара Валерий…
Бу күннэргэ социальнай ситимнэргэ куорат биир түүҥҥү кулуубугар айдаан тахсыбытыгар полиция үлэһиттэрэ кэлбэтэхтэрин туһунан иһитиннэрии…