Хаартыска:
Саха сирин устуоруйатыгар аан бастакытын Саха сирин оскуолатын үөрэнээччитэ – Арктика оскуолатын 10 кылааһын үөрэнээччитэ Лю Цзелун Кытай тылыгар Бүтүн Арассыыйатааҕы Олимпиада түмүктүүр түһүмэҕин призерунан буолла. Олимпиада кулун тутар 31 күнүттэн муус устар 5 күнүгэр диэри Москваҕа ыытылынна.
«Лю Цзелун дойду үрдүнэн 250-тэн тахса кыттааччыттан бастыҥнар ахсааныгар киирдэ. Бу тус бэйэм кыайыым эрэ буолбакка, өрөспүүбүлүкэ улахан ситиһиитэ. Цзелуну бэлэмнээһиҥҥэ кини уһуйааччыта Светлана Петровна Семенова, М.К. Аммосов аатынан ХИФУ Илиҥҥи тылларга кафедратын преподавателлэрэ кытыннылар. Маннык ситиһии — холбоһуктаах, сыралаах үлэ түмүгэ», — диэтэ Ил Дархан Айсен Николаев.
Лю Цзелун Арктика оскуолатыгар 9 кылаастан үөрэнэр. 2024 уонна 2025 сылларга Кытай тылыгар Бүтүн Арассыыйатааҕы Олимпиада кыайыылааҕа, 2024 уонна 2025 сылларга Кытай тылынан ыытыллыбыт Бүтүн Арассыыйатааҕы «Высшая проба» олимпиада түмүктүүр түһүмэҕэр бастакы миэстэни ылбыта, 2024 сыллаахха академик В.П. Ларионов аатынан эдэр чинчийээччилэр «Инникигэ хардыы» кэмпириэнсийэ «Омук тыллара» сиэксийэ лауреата. Былырыын IX Бүтүн Арассыыйатааҕы (аан дойду кыттыылаах) Н.И. Лобачевскай аатынан научнай кэмпириэнсийэҕэ иккис миэстэни, оттон «Арктика — территория сотрудничества» III Бүтүн Арассыыйатааҕы научнай-практическай кэмпириэнсийэҕэ бастакы миэстэҕэ тиксибитэ.
Олимпиада финальнай түһүмэҕэ икки түһүмэҕинэн ыытылынна – суругунан уонна тылынан. Кыттааччылар суругунан тиэкиһи кытай тылынан истии кэнниттэн суруйбуттара, грамматическай соруктары толорбуттара. Сыл аайы Бүтүн Арассыыйатааҕы олимпиада 24 биридимиэккэ дойду 7 мөлүйүөн үөрэнээччилэрин түмэр уонна түөрт түһүмэҕинэн ыытыллар.
Бэҕэһээ, муус устар 8 күнүгэр, бу сайын ыытыллыахтаах Манчаары оонньууларыгар бэлэмнэниини көрө-истэ СӨ тырааныспарга уонна…
Быйылгыттан ыла «Каадырдар» саҥа национальнай бырайыак саҕаланна. Үлэ биир дьоһун суолталаах хайысхатынан оробуочай каадырдары бэлэмнээһин…
Байыастарга гуманитарнай көмөнү илдьибит улуустар дэлэгээссийэлэрин ДНӨ тирэх пууннар арыаллаатылар. Бу туһунан тирэх пууннар сүрүн…
ИДьМ 1 № -дээх полиция отделыгар олохтоох киһи үҥсүү киллэрбит. Кини аатыгар биллибэт дьон 6000…
ИДьМ Үөһээ Бүлүүтээҕи отделын дьуһуурунай чааһыгар эмсэҕэлээччиттэн 52 000 солк. суумалаах суотабай төлөпүөнүн соруйан алдьаппыттарын…
Михаил Николаев аатынан Мэдиссиинэ национальнай киинин иһинэн Сүрэх-тымыр киинэ бастакы кыбаарталга түмүктэрин билиһиннэрдэ. -Ол…