Хаартыска:
Саха сирин устуоруйатыгар аан бастакытын Саха сирин оскуолатын үөрэнээччитэ – Арктика оскуолатын 10 кылааһын үөрэнээччитэ Лю Цзелун Кытай тылыгар Бүтүн Арассыыйатааҕы Олимпиада түмүктүүр түһүмэҕин призерунан буолла. Олимпиада кулун тутар 31 күнүттэн муус устар 5 күнүгэр диэри Москваҕа ыытылынна.
«Лю Цзелун дойду үрдүнэн 250-тэн тахса кыттааччыттан бастыҥнар ахсааныгар киирдэ. Бу тус бэйэм кыайыым эрэ буолбакка, өрөспүүбүлүкэ улахан ситиһиитэ. Цзелуну бэлэмнээһиҥҥэ кини уһуйааччыта Светлана Петровна Семенова, М.К. Аммосов аатынан ХИФУ Илиҥҥи тылларга кафедратын преподавателлэрэ кытыннылар. Маннык ситиһии — холбоһуктаах, сыралаах үлэ түмүгэ», — диэтэ Ил Дархан Айсен Николаев.
Лю Цзелун Арктика оскуолатыгар 9 кылаастан үөрэнэр. 2024 уонна 2025 сылларга Кытай тылыгар Бүтүн Арассыыйатааҕы Олимпиада кыайыылааҕа, 2024 уонна 2025 сылларга Кытай тылынан ыытыллыбыт Бүтүн Арассыыйатааҕы «Высшая проба» олимпиада түмүктүүр түһүмэҕэр бастакы миэстэни ылбыта, 2024 сыллаахха академик В.П. Ларионов аатынан эдэр чинчийээччилэр «Инникигэ хардыы» кэмпириэнсийэ «Омук тыллара» сиэксийэ лауреата. Былырыын IX Бүтүн Арассыыйатааҕы (аан дойду кыттыылаах) Н.И. Лобачевскай аатынан научнай кэмпириэнсийэҕэ иккис миэстэни, оттон «Арктика — территория сотрудничества» III Бүтүн Арассыыйатааҕы научнай-практическай кэмпириэнсийэҕэ бастакы миэстэҕэ тиксибитэ.
Олимпиада финальнай түһүмэҕэ икки түһүмэҕинэн ыытылынна – суругунан уонна тылынан. Кыттааччылар суругунан тиэкиһи кытай тылынан истии кэнниттэн суруйбуттара, грамматическай соруктары толорбуттара. Сыл аайы Бүтүн Арассыыйатааҕы олимпиада 24 биридимиэккэ дойду 7 мөлүйүөн үөрэнээччилэрин түмэр уонна түөрт түһүмэҕинэн ыытыллар.
Cаха сирин синоптиктарын билгэлэринэн бүгүн, ахсынньы 16 күнүгэр, хоту оройуоннарынан хаардыыр. Эдьигээн улууһугар сөкүүндэҕэ 9-14…
Бүгүн Дьокуускайга «Патриот» ыччат киинин үөрүүлээх аһыллыыта буолан ааста. Бу аныгы кэм ыччатын сайдар, үүнэр,…
Бүгүн Саха сиригэр бастакы Уһук Илиҥҥэ биир бөдөҥ элбэх функциялаах «Патриот» ыччат киинэ үөрүүлээх быһыыга-майгыга…
Бүгүн Саха сиригэр бастакы элбэх функциялаах «Патриот» ыччат киинэ аһылынна. Бу киин Уһук Илиҥҥэ биир…
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников ыксаллаах быһыыга-майыга түбэспит дьону көрдүүр-быыһыыр үлэлэр статистикаларын туһунан…
Норуодунай фронт эрэгийиэннээҕи салаатын үлэһитэ Дмитрий Паньков этэринэн, Арассыыйа Бэрэсидьиэнэ ыыппыт быһа кэпсэтиитигэр Саха сириттэн…