Эрдэ этэн аһарбыппыт курдук, Хотугу сир туруктаах сайдыытын пуорумун чэрчитинэн Арассыыйа-Азия Арктиканы чинчийэр консорциумун тэрийэр туһунан сөбүлэһиигэ илии баттаммыта. Ол чэрчитинэн бүгүн дьүүллэһии мунньах буолла.
Арктиканы балысханнык баһылааһын кэмигэр, чинчийии үлэтэ – биир кэскиллээх дьыаланан буолар, ону таба тутан учуонайдар бииргэ сомоҕолоһон үлэлиир толкуйу тобуллулар.
Консорциум дойду иһигэр эрэ буолбакка, Азия дойдуларын кытары наука өттүнэн бииргэ үлэлииллэригэр кыаҕы биэриэ. Манна Азия итиэннэ Арассыыйа уонтан тахса үрдүк үөрэҕин тэрилтэтэ, ол иһигэр ХИФУ, Томскайдааҕы судаарыстыбаннай университет, Ирбэт тоҥу үөрэтэр институт, о.д.а. Арктиканы интэриэһиргиир учуонайдар киирдилэр.
«Биһиэхэ бу хайысха олус улахан суолталаах, тоҕо диэтэххэ, бииргэ үлэлээһин ситиһиитэ биһиги ханнык хайысханы тутуһарбытыттан улахан тутулуктаах. Эрдэ эппиппит курдук, урукку консорциумнартан уратыта – университекка эрэ буолбакка, Арктика тутаах боппуруостарын чинчийэр атын да тэрилтэлэргэ ааммытын арыйабыт. Итини таһынан атын да дойдулары кытары бииргэ үлэлииргэ бэлэммит. Арктика сайдыытын чинчийиигэ уонна сайыннарыыга сомоҕолоһуубут үлэбитин өссө күүһүрдүө диэн эрэнэбин», – диэн ХИФУ ректора Анатолий Николаев бэлиэтээтэ.
Консорциумҥа эбии Москубатааҕы судаарыстыбаннай геодезия уонна картография университета, «Хотугу пуорум» аан дойдутааҕы хотугу эрэгийиэннэр тэрилтэлэрэ, Арассыыйа судаарыстыбаннай гидрометеорологическай университетын Арктиканы уонна килиимэти чинчийии киинэ, Санкт-Петербурдааҕы Арктика дьыалаларыгар кэмитиэт, Кытай океанологическай университета, Арассыыйа наукатын академиятын сибиирдээҕи салаатын Экэниэмикэ уонна бырамыысыланнай оҥорон таһаарыыны тэрийэр институт, Ненецкэй аграрнай-экэнэмиичэскэй техникум, о.д.а. холбостулар.
Анастасия Филиппова, Мария Васильева, СИА хаартыскалара
Бу чааска Нерюнгри оройуонун сиригэр-уотугар өрөспүүбүлүкэтээҕи Олоҥхо ыһыаҕа ыытылла турар. Дьокуускай куораттааҕы "Уу-чуку-чук" уһуйаан оҕолорун…
Ленскэй улууһун силиэстийэлиир отделынан Ленскэй куораттааҕы мэдиссиинэн тэрилтэтин неврологическай отделениетын сэбиэдиссэйигэр сыһыаннаах, РФ Холуобунай Кодексатын…
Бүгүн, от ыйын 4 күнүгэр, Олоҥхо ыһыаҕар айар кэлэктииптэрэ араас күрэстэргэ кытта сылдьаллар. Кэрэхсэбиллээҕэ баар,…
Олоҥхо ыһыаҕын биир элбэх ахсааннаах кыттааччылаах уонна ураты оҥоһуулаах былаһаакканан аҕыйах ахсааннаах норуоттар түһүлгэлэрэ буолла.…
Бэс ыйын биир үтүө куйаас күнүгэр Сунтаар нэһилиэгин кырдьаҕас олохтооҕо, бэтэринээринэй сулууспа бэтэрээн үлэһитэ Владимир…
Дьокуускай куорат борокуратуурата икки кыыска сыһыаннаах холуобунай дьыалаҕа судаарыстыбаннай буруйдааһыны өйөөтө. Кинилэр РФ Холуобунай кодексын…