«Муравьев-Амурскай 2030» бырагыраама бастакы потогун курсаана Максим Данькин РФ Арктика түөлбэтин сайдыытын уонна Арассыыйа Уһук Илин сайдыытыгар министиэристибэтин инфраструктура бырайыактарын олоххо киллэриигэ департаменын салайар.
Бырагыраама курсаана министиэристибэҕэ РФ Арктика түөлбэтин социальнай-экэнэмиичэскэй сайыннарыыга туһуламмыт бырайыактары олоххо киллэриигэ эппиэттиир, Уһук Илин уонна Арктика сиригэр-уотугар норуоттар икки ардыларынааҕы тырааныспарынан сырыы ситимин сайыннарыыга сыһыаннаан үрдүкү салалталар уонна биэдэмистибэлэр үлэлэрин сүрүннүө, ол иһигэр Хотугу муора суолунан айаны-сырыыны.
«Муравьев-Амурскай 2030» бырагыраама кыттыылааҕа Максим Данькин «Дьоҕус авиация» бөлөх састаабыгар киирсэн, айан-сырыы сыыдамсыйарыгар, Уһук Илин сиригэр-уотугар тырааныспар сибээһигэр дьоҕус авиацияны сайыннарыы саҥа кэлим миэрэлэрин оҥорууга кыттыа. Бырайыакка гражданскай авиацияҕа каадырдары бэлэмнээһин, салгын аалын хамсааһынын тэрийии уонна инфраструктураны кытта үлэ киирэллэр.
Максим Данькин 1989 сыллаахха ыам ыйын 28 күнүгэр Брянскай уобалас Брянскай куоратыгар төрөөбүтэ.
2011 сыллаахха Брянскайдааҕы судаарыстыбаннай техническэй университеты икки үрдүк үөрэхтээх бүтэрбитэ, инженер уонна экономист-менеджер идэни ылбыта.
2013 сылтан эрэгийиэн сайдыытын боппуруостарынан араас үлэҕэ үлэлээбитэ, ол курдук, «Фонд развития моногородов» (МОНОГОРОДА.РФ группы ВЭБ.РФ) кэммиэрчэскэйэ суох тэрилтэҕэ, «Корпорация развития Дальнего Востока и Арктики» АУо.
2020 сылтан Арктика боппуруостарыгар Судаарыстыбаннай хамыыһыйа эрэгийиэни сайыннарыыга иһитиннэрэр-ырытар киинин дириэктэрин солбуйааччынан үлэлээбитэ.
Стратегическай былааннааһын докумуоннарын бэлэмнээһиҥҥэ кыттыбыта, ол иһигэр «Комплексное развитие моногородов» РФ Бырабыыталыстыбатын приоритетнай бырагырааматын (бырайыагын) бэлэмнээһиҥҥэ, 2035 сылга диэри Арктикаҕа РФ судаарыстыбаннай бэлиитикэтин төрүтүн, 2035 сылга диэри РФ Арктика түөлбэтин сайыннарыы, уо.д.а.
«Муравьев-Амурскай 2030» бырагырааманы Уһук Илини сайыннарыы министиэристибэтэ, Уһук Илини, Арктиканы сайыннарыы корпорацията, Уһук Илиннээҕи федеральнай университет, СКОЛКОВО оскуолата тэрийсэллэр.
2022 сыллаахха бастакы сүүмэрдээһин ыытыллыбыта.
“Саха сирэ – Дьоруойдар дойдулара” – билиини уонна уопуту туһанарга уочараттаах хардыы, диир байыаннай дьайыы…
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…
Саха Өрөспүүбүлүкэтин Ил Дархана Айсен Николаев “Россия24” телеханаалга “Быһа кэпсэтии” бырагыраама эпииригэр Дьокуускайга тырааныспар ситимин…
Аллайыаха улууһун Оленегорскай олохтооҕо Виктория Трофимова күһүҥҥү көстүүнү хаартыскаҕа түһэрэн ыытта. -- Быйыл отон аанньа…