«Арктика суоллара» генеральнай дириэктэрин солбуйааччы Сергей Сивцев «Диалог с властью» биэриигэ кыттыаҕа

Бүгүн, олунньу 28 күнүгэр, 13 ч. 05 м. “Тэтим” араадьыйа FM 107.1 долгунугар «Диалог с властью» биэриигэ  «Арктика суоллара» СӨ КТ генеральнай дириэктэри солбуйааччы Сергей Афанасьевич Сивцев кыттыыны ылыаҕа.

Араадьыйа истээччилэригэр “Арктика суолларын” сүрүн сыалларын-соруктарын уонна бастакы күөҥҥэ тутар соруктарын туһунан кэпсиэхтэрэ. Кыһыҥҥы суоллары арыйыыга, биригээдэлэри аныгы суол тиэхиньикэтинэн, оборудованиенан, каадырдарынан хааччыйыы боппуруостарыгар болҕомто ууруллуоҕа. Кыһыҥҥы суоллар туруктарыгар массыына элбэҕэ уонна таһаҕас эргиирэ хайдах дьайарыгар сыанабыл бэриллиэ.

Бу уонна да атын ыйытыыларга хоруйдары биэриэхтэрэ. Араадьыйаны истээччилэр биэрии кэмигэр ыйытыыларын устуудьуйа нүөмэрдэригэр эрийэн биэриэхтэрин сөп: 8 (4112) 32-00-66 уонна 32-11-66. Быһа эпииргэ хоруйдамматах ыйытыылар биэрии кэнниттэн кыттааччыга ыытыллаллар. Бу туһунан Ил Дархан, бырабыыталыстыба пресс-сулууспата иһитиннэрэр.