«Арктика суоллара» тэрилтэ эспиэрдэрэ 600 массыынаны бэрэбиэркэлээтилэр

“Арктика суоллара” казеннай тэрилтэ тиэхиньиичэскэй эспиэрдэрэ сыл аайы ыытар кыһыҥҥы суолларга массыына мобильнай диагностическай пууннарын үлэлэрин түмүктээтилэр.

Хампаанньа үс ый устата бэрэбиэркэни ыытан, 11 нэһилиэнньэлээх пууҥҥа 600 диагностическай докумуону толордо. Бу туһунан хампаанньа пресс-сулууспата иһитиннэрдэ. Кыраапыкка сөп түбэһиннэрэн, исписэлиистэр түргэтэтиллибит бэрэбиэркэни туһаннылар – сүрүн көрдөрүүлэринэн кузов, фара, көлүөһэ, салон иһигэр баар өстүөкүлэ уонна прибор туруга бэрэбиэркэлэннэ. Хампаанньа үлэтин кыраапыга официальнай саайтка ыйыллар, олохтоох дьаһалталарга, бэрэбиэркэни ыытыан баҕалаах тэрилтэлэргэ эрдэттэн иһитиннэрэллэр. Тиэхиньикэ үлэтигэр кыһалҕа үөскээбэтин туһугар, көһө сылдьар бэрэбиэркэлиир пуун кэлэригэр эрдэттэн бэлэмнэнэргэ сүбэлииллэр.

Сиһилии билсэр сигэ: https://www.sakha.gov.ru/news/5076

СӨ Ил Дарханын уонна Бырабыыталыстыбатын пресс-сулууспата