Хаартыска мобильнай биригээдэлэр өрөспүүбүлүкэтээҕи кииннэриттэн
Саха сиригэр маннык абыраллаах бырайыак үлэлиириттэн, ордук тыа сирин дьоно-сэргэтэ үөрэр.
Ил Дархан Айсен Николаев көҕүлээһининэн тэриллибит «мобильнай дуоктардар» Арктика улуустарыгар ыраах уонна уустук-суоллаах-иистээх нэһилиэнньэлээх пууннарга тиийэн мэдиссиинэ көмөтүн оҥороллоро тиһиктээхтик салҕанар. Ол курдук, бүгүҥҥү күн туругунан, кинилэр Усуйаанаҕа, Аллайыахаҕа, Булуҥҥа уонна Муомаҕа үлэлии сылдьаллар.
«Усуйаанаҕа уонна Аллайыахаҕа Оленегорскай, Сайылык, Быйаҥныыр олохтоохторо доруобуйаларын көрдөрдүлэр. Быраастар салгыы Казачьеҕа уонна Уус Куйгаҕа айанныыллар. Өрүү да буоларын курдук, оҕолору, улахан дьону барыларын көрөллөр. Биллэн турар, диспансернай учуокка турбуттарга улахан болҕомтолорун эмиэ уураллар«, — диэн кэпсиир өрөспүүбүлүкэтээҕи уопсастыбаннай доруобуйа уонна мэдиссиинискэй профилактика киинин сүрүн бырааһа Алена Никитина.
Бэҕэһээ быраастар Булуҥҥа уонна Муомаҕа көппүттэр. Былааннаммытынан уустук суоллаах нэһилиэнньэлээх пууннарга Сииктээххэ, Күһүүргэ, Буор Сыһыыга, Чуумпу Кытылга сылдьыахтаахтар. Онтон сэтинньи 22 күнүгэр Анаабырга көтүөхтээхтэр. Онно Үрүҥ Хайаҕа сылдьыахтара. Диспансернай учуокка турбуттары көрүөхтэрэ, анал эмтэниилэри анаталыахтара.
Биригээдэҕэ терапевт, эндокринолог, кардиолог, акушер-гинеколог, невролог, УЗИ бырааһа, оториноларинголог, офтальмолог, педиатр, уо.д.а. бааллар.
Исписэлиистэр анаалыстары ылаллар. Ону таһынан, наада буоллаҕына, УЗИ-га көрөллөр, электрокардиограммалыыллар.
Өрүү да буоларын курдук, быраастар ыраах сытар нэһилиэнньэлээх пууннарга хайдах тиийэри кытары толкуйдаан оҥорбуттар. Бөртөлүөтүнэн, вездеходунан, «Буранынан» айаннар кытары киллэриллибиттэр.
Хаартыскалар мобильнай биригээдэлэр өрөспүүбүлүкэтээҕи кииннэриттэн
Арсеньев аатынан бириэмийэ литературнай куонкуруһугар, бириэмийэ официальнай саайтарыгар тахсыбыт балаһыанньа быһыытынан, нууччалыы суруллубут уус-уран уонна…
Саха сирин сүүмэрдэммит хамаандата бу сыл сүрүн күрэхтэһиитигэр – Орел куоракка ыытыллыбыт оҕунан ытыыга Арассыыйа…
Тохсунньу 26 күнэ. Ил Дархан Уһук Илин эрэгийиэннэрин социальнай-экэнэмиичэскэй сайдыыларын боппуруостарын көрөр мунньахха кытынна. Өрөспүүбүлүкэ…
Ил Түмэн дьокутааттара РФ Бырабыыталыстыбатыттан хатыыһы уонна муксууну бултааһын иһин ыстарааптары намтатар туһунан туруорсар. Кинилэр…
Дьокуускайга эр киһини өлөрүүгэ буруйданар 30 саастаах дьахтар холуобунай дьыалата суукка ыытылынна. Силиэстийэ барылынан, быһылаан…
«Сахафильм» хампаанньаҕа саҥа салаа – продюсерскай отдел аһыллыаҕа. Национальнай киинэ хампаанньатын салайааччыта Алексей Егоров Саха…