РФ бырабыылыстыбатын пресс-сулууспата
Дойду Бырабыыталыстыбата Арктика инфраструктуратын сайыннарыыны салгыыр. Сүрүн сыал – хотугу сирдэр олохтоохторун олоҕун хаачыстыбатын үрдэтии, үлэлииргэ уонна үөрэнэргэ табыгастаах усулуобуйаны тэрийии, ону тэҥэ бигэ уонна аныгы сибээһи хааччыйыы.
Дойду Бырабыыталыстыбатын пресс-сулууспата иһитиннэрэринэн, Саха сиригэр Арктика зонатыгар уустук уонна ыраах сытар улуустарын холбуур 7 тыһ. кэриҥэ килэмиэтирдээх оптоволоконнай ситим тардыллыаҕа. Түргэн интэриниэт 50 тыһ. кэриҥэ киһи олорор 61 нэһилиэнньэлээх пуунугар киириэҕэ. Бу бырайыагы олоххо киллэриигэ Бырабыыталыстыба федеральнай бүддьүөттэн 5,5 млрд солкуобайы туһаайыаҕа. Өссө соччонон үбү-харчыны өрөспүүбүлүкэ угуоҕа. Үлэни 3 сыл иһинэн түмүктүүр былааннанар.
Саҥа дьиэлэри уонна социальнай эбийиэктэри сөкүүндэҕэ 100 Мбит-тан итэҕэһэ суох түргэннээх сибээс ситимигэр холбуур кыаҕы биэриэҕэ, бу – билиҥҥи көрдөрүүттэн 10 төгүл үрдүк. Ону таһынан, оптоволокно быдан эрэллээх уонна тыйыс килиимэттээх Саха сиригэр тулуйумтуо — Хотугу сир уустук айылҕалаах усулуобуйатыгар ордук суолталаах.
Саҥа сибээс лииньийэлэрин үлэҕэ киллэрии тарыыптары чэпчэтиэҕэ, дьоҥҥо уонна биисинэскэ сыыппара өҥөлөрүнэн туһанар кыаҕы кэҥэтиэҕэ уонна технологиялар киириилэрин түргэтэтиэҕэ. Михаил Мишустин Сыыппара сайдыытын миниистирэ Максут Шадаевка бырайыагы олоххо киллэриигэ өрөспүүбүлүкэҕэ бары наадалаах көмөнү оҥорорго сорудахтаата.
Эспиэрдэр иһит сууйар "Фейри", уо.д.а. араас убаҕастар буортулаахтарын туһунан өрүү суруйаллар. Оттон саамай буортулааҕынан иһит…
Норуоттар икки ардыларынааҕы муус уонна хаар оҥоһуктар бэстибээллэрэ быйыл Кытайга Харбиҥҥа 41-с төгүлүн ыытылынна. Бу -- аан…
Дьокуускайга сокуону кэһэн туран арыгы атыылааһын хас да түгэнин полиция үлэһиттэрэ туттулар. Ол курдук сэрэтэр…
Өспөх нэһилиэгин волонтердара Дьокуускайга "Добровольцы" волонтердар хамсааһыннарын филиала буолан, үһүс сылбытын хаххалыыр сиэккэни оҥорон бэлэмниибит.…
“Инникигэ хардыы” кэмпириэнсийэ-күөн күрэскэ тыһыынчаттан тахса чинчийии тухары араас тиэмэлээх, киэҥ далааһыннаах үлэлэр, саҥа арыйыылар,…
Ытыктабыллаах бэчээт, сонуннары киэҥник тарҕатар сириэстибэлэр үлэһиттэрэ уонна бэчээт эйгэтин бэтэрээннэрэ! Эһигини Россия бэчээтин күнүнэн…