Хаартыска: Ил Дархан пресс-сулууспата
Саха сиригэр «Синергия Арктики» бөдөҥ социальнай хайысхалаах бырайыагы олоххо киллэрии толору хаамыынан барар. Ол түмүгүнэн 2027 сыл бүтүүтэ өрөспүүбүлүкэҕэ Арктика бары улуустарын кииннэрэ түргэн интэриниэккэ холбонуохтара.
Бырайыак 2023 сылтан Ил Дархан Айсен Николаев көҕүлээһининэн саҕаламмыта уонна Арассыыйа Сыыппаралаах сайдыыга, сибээскэ уонна маассабай коммуникацияҕа министиэристибэтин итиэннэ Саха Өрөспүүбүлүкэтин икки ардыларыгар хардарыта бииргэ үлэлээһин туһунан сөбүлэһии чэрчитинэн олоххо киллэриллэр. «Синергия Арктики» бырайыагы дойду бэрэсидьиэнэ Владимир Путин өйүүр уонна Дьокуускай куорат агломерациятын маастар-былааныгар көрүллэр. Бырайыак оператора -– өрөспүүбүлүкэтээҕи «АрктикТелеком» хампаанньа.
Эдьигээн улууһа «Синергия Арктики» бырайыак бастакынан киллэриллибит оройуонунан буолар. Улуус Бэстээх, Баахынай уонна Эдьигээн нэһилиэнньэлээх пууннара түргэн интэриниэккэ холбонор кыаҕынан хааччыллыбыттара. Билигин ВОЛС кыамтатыгар технология боруобалааһыннара ыытылыннылар, абоненнар уонна тэрилтэлэр тестовай холбонуулара оҥоһуллар. Аныгыскы түһүмэҕинэн сибээс оптическай линиятын Хаандыгаттан Баатаҕай, Баатаҕай Алыыта, Уус Куйга, Депутатскай уонна Белай Гора сэлиэнньэлэринэн Чокурдаахха диэри, ону сэргэ Тиксии бөһүөлэгэр диэри тутуу былааннанар.
Эбэн эттэххэ, 2024 сылга Өлүөхүмэ улууһугар ВОЛС киллэрии үлэтэ саҕаланыаҕа.
Дьокуускайга олунньу 22 күнүгэр "Быть здоровым -- это модно!" диэн 14-с төгүлүн ыытыллар Норуоттар икки…
Педагогическай наука кандидата Елизавета Петровна Гуляева ыҥырыытынан, Ийэ тыл күнүгэр Дьокуускай куорат 31 нүөмэрдээх орто…
Саха сирин сүүмэрдэммит хамаандатын дзюдоистката Аина Моисеева Ташкент куоракка ыытыллар «Большой шлем» күрэхтэһиигэ дойду сүүмэрдэммит…
Тимофей Сметанин уонна Яков Стручков кэпсээннэринэн уһуллубут "Мэхээлэчээн булчут" киинэ кулун тутар 19 күнүттэн улахан…
Бүгүн, олунньу 13 күнүгэр, Дьокуускай куоракка «Патриот» ыччат киинигэр оҕону, ыччаты патриотическай иитиигэ улахан суолталаах…
Саха сирин психологтара байыаннай дьайыы кыттыылаахтарын ийэлэрин өйүүргэ туһуламмыт «Искусство терапията» диэн саҥа бырайыагы саҕалаатылар.…