Саха сирин Доруобуйаҕа харыстабылын министиэристибэтигэр Арктикаҕа аҕыйах ахсааннаах, ыраах уонна тиийэргэ табыгаһа суох нэһилиэнньэлээх пууннарыгар бастакы сүһүөх анал мэдиссиинискэй көмөнү оҥоруу саҥа моделын бырайыагын дьүүллэстилэр.
Оробуочай бөлөх бэлэмнэнии түһүмэҕин чэрчитинэн Булгуччулаах мэдиссиинискэй страховканан көрүллэр ороскуоттар, ол иһигэр сөмөлүөтүнэн көтүү, тарифтарын бигэргэттэ. Арктика 13 улууһун анал мэдиссиинискэй көмөнөн хааччыйарга мобильнай биригээдэлэр өрөспүүбүлүкэтээҕи кииннэрэ тэрилиннэ.
Киин исписэлиистэрэ көһө сылдьар мэдиссиинискэй чинчийиилэри былаанныыллар. Ону таһынан эмчиттэр нэһилиэнньэҕэ социальнай суолталаах өҥөлөрү оҥороллор. Холобур, барыллаан уонна тиһиктээх мэдиссиинискэй көрүүлэр, саа сэбин туһанарга мэдиссиинискэй туоһулааһын, суоппар быраабын ыларга мэдиссиинискэй көрүү.
Мунньахха дьүүллэһии кэмигэр ХИФУ Мэдиссиинэҕэ институтун дириэктэрэ Николай Гоголев Арктика улуустарыгар Дьоҕус мэдиссиинискэй академия салааларын тэрийэн, үөрэнээччилэргэ идэни талар үлэни күүһүрдэргэ уонна Доруобуйа харыстабылын министиэристибэтэ бастакы сүһүөх мэдиссиинискэй көмөҕө научнай-чинчийэр үлэни ыытары көҕүлүүрүгэр этии киллэрдэ.
«Бырайыагы Ил Дархан Айсен Николаев көҕүлээбитэ уонна Арктика нэһилиэнньэлээх пууннарын олохтоохторо мэдиссиинискэй көмөнөн астыныыларын элбэтэр соруктаах. Биһиги бырайыагы олоххо киллэрэргэ Доруобуйа харыстабылын министиэристибэтин, ситэриилээх былаас кыахтарын түмтүбүт. Уопсай күүспүтүнэн үчүгэй түмүктэри ыларга эрэллээхпит. Сүрүнэ, олох уһунун уһатыахпыт уонна нэһилиэнньэ ыалдьан өлүүтүн аҕыйатыахпыт”, —диэн доруобуйа харыстабылын миниистирэ Лена Афанасьева иһитиннэрдэ.
Бүгүн, ахсынньы 22 күнүгэр, 13:45 чааска Булуҥ улууһун Бороҕон нэһилиэгин баһылыгын солбуйааччы Биир кэлим диспетчер-дьуһуурунай…
Дьокуускай куоракка тымныы күннэр сатыылаан турар кэмнэригэр сылаас тохтобуллар олус суолталаах буоллулар. Ол курдук, маннык…
Булуҥ улууһугар сүппүт үһүс киһини буллулар диэн Булуҥнааҕы ЕДДС иһитиннэрэр диэн СӨ Быыһыыр сулууспата суруйар.…
Оҕо иммунитетын бөҕөргөтөөрү араас сыаналаах йогуртары талабыт. Күөх экрааҥҥа көстөр араас сыаналаах йогуртар хаһааныллар болдьохторо…
Ил Дархан Айсен Николаев бүгүҥҥү пресс-кэмпириэнсийэтигэр кэнники сылларга тыа хаһаайыстыбата, ордук үүт бородууксуйатын оҥорууга уонна…
Бүгүн Саха Өрөспүүбүлүкэтин доруобуйатын харыстабылын устуоруйатыгар киирэр кэрэ-бэлиэ түгэн үүннэ. Ол эбэтэр Үөһээ Бүлүүгэ оҕо…