Хаартыска: мобильнай биригээдэлэр өрөспүүбүлүкэтээҕи кииннэриттэн
Быраастар биригээдэлэрэ кэлэллэр диэн сонуну ыраах улуустар, уустук суоллаах-иистээх нэһилиэктэр олохтоохторо үөрэ истэллэр. Онуоха маннык үлэ тиһиктээхтик салҕанара хайҕаллаах.
Бу күннэргэ Үөһээ Халымаҕа, Усуйаанаҕа, Булуҥҥа, Аллараа Халымаҕа, Эбээн Бытантайга, Аллайыахаҕа үлэ күргүөмнээхтик ыытылла турар. Аллара Халымаҕа Андрюшкино уонна Халыма нэһилиэнньэлээх пууннара хабыллыбыттар.
«Аллараа Халымаҕа 254 киһи көрдөрдө, итинтэн отут аҕыһа оҕолор. Күн-дьыл туругуттан Халыма сэлиэнньэтигэр хаайтардыбыт«, — диэн уопсастыбаннай доруобуйа уонна мэдиссиинискэй профилактика өрөспүүбүлүкэтээҕи киинин кылаабынай бырааһын э.т. Юлия Спиридонова иһитиннэрэр.
Булуҥ улууһугар Сииктээххэ үлэлээн бараннар быраастар Күһүүргэ көппүттэр. Үөһээ Халымаҕа оҕо быраастара Угольнайга, Үөһээ Халымаҕа, Арыылаахха уонна Нелемнайга сылдьыбыттар.
Усуйаанаҕа быраастар Дьүкээгир, Тумат, Уйаандьы, Сайылык бөһүөлэктэригэр сылдьыбыттар. Барыта 148 киһини хаппыттар.
Аллайыахаҕа Чокуурдаахха үлэ бара турар. Былааҥҥа салгыы Русскай Устье, Чкалов, Оленегорскай бааллар.
Тиис быраастарын бөлөхтөрө бүгүн Усуйаана улууһун киин балыыһатыгар көтөллөр. Кинилэр салгыы Анаабырга, Өлөөҥҥө, Эбээн Бытантайга, Дьааҥыга үлэлиэхтэрэ.
Оҕолору көрө быраастар биригээдэлэрэ Дьааҥыга чугастааҕы күннэргэ барар былааннаах. Сэтинньигэ Орто Халымаҕа, Үөһээ Халымаҕа, Усуйаанаҕа иккис түһүмэҕи түмүктүү көтөллөрө былааннанар. Оҕолор доруобуйаларын көрө Муомаҕа, Булуҥҥа Г.И.Турнер аатынан киин (НМИЦ) исписэлиистэрэ кыттыгастаах барыахтара.
Санатар буоллахха, арктическай мэдиссиинэ Ил Дархан Айсен Николаев көҕүлээһининэн 2023 сыл олунньу ыйтан саҕаламмыта. Тэриллибит биригээдэлэргэ хотугу, арктическай улуустарга суох испиэлиистэр киирэллэр. «Мобильнай дуоктардар» мэдиссиинэ көмөтүн арктическай улуустар нэһилиэнньэлээх пууннарыгар оҥороллор. Бу «Доруобуйа» национальнай бырайыак сыалыгар-соругар толору эппиэттиир.
СӨ Ил Дарханын уонна Бырабыыталыстыбатын пресс-сулууспата
Хаартыскалар мобильнай биригээдэлэр өрөспүүбүлүкэтээҕи кииннэриттэн.
Мэҥэ Хаҥалас улууһа урукку сэбиэскэй кэмтэн нэһилиэктэринэн культура уонна спорт бэстибээлин ыытар үтүө үгэстээх. Майа…
Дьокуускай мээрэ Евгений Григорьев уонна «Яндекс» хампаанньа эрэгийиэннэри кытта үлэлээһиҥҥэ дириэктэрэ Антон Москаленков бииргэ үлэлээһиҥҥэ…
Бүтэһик чуораан чугдаарбытын, эксээмэннэри туттарбыт кэннэ ороскуоттаах бырааһынньыктар саҕаланаллар. Бу бырааһынньыктарга бэлэмнэнии сыл инниттэн саҕаланар.…
Төһө да «ыт — киһи доҕоро” диэтэрбит, ордук куорат сиргэ, ыттаах-куоскалаах аһара элбээн, тулалыыр эйгэ санитарнай…
Ил Түмэн Бэрэссэдээтэлэ Алексей Еремеев салайааччылаах Саха сирин дэлэгээссийэтэ Луганскай Норуодунай Өрөспүүбүлүкэҕэ «Муниципальнай тэриллиилэргэ Ийэ…
Суорун Омоллоон аатынан Опера уонна балет тыйаатырын сүрүн артыыһа, умсугутуулаах уобарастары кыайа-хото тутар, опера артыыһын…