Хаартыска: www.sakha.gov.ru
Атыы-логистическай кииннэрэ (ТЛЦ) хотугу таһыы тирэх ситимин сүрүн күүһүнэн буолуохтаах. Кииннэр Хотугу муора суолугар тахсар Саха сирин суудуналар сылдьар өрүстэригэр баар нэһилиэнньэлээх пууннарга олохтоноллор.
Уу тырааныспарынан элбэх таһаҕаһы тиэйии суотугар логистика схемата уларыйан, Арктика оройуоннарыгар атыы-логистическай кииннэрин тутуу уонна ыскалааттары элбэтии Арктикаҕа аһы-үөлү тиэрдии кээмэйин элбэтэр кыахтаах. Ол курдук, номнуо былырыын уу суолун кэмигэр аһылык көрүҥэр таһаҕаһы таһыы кээмэйэ икки төгүл эбиллибит.
Логистика атын саҥа схемалара эмиэ туһаныллаллар. “Холобур, Халыма бөлөҕүн улуустарыгар атыы-логистическай киинин тутуу, былырыы кыра суудуналары туһунан Халыма өрүһүнэн Магаданскай уобалас Сеймчан бөһүөлэгинэн, Приморскай кыраайтан аһы-үөлү тиэрдиигэ саҥа схеманы арыйар кыаҕы үөскэттэ. Өскөтүн былырыын тустаах схема Зырянканы уонна Орто Халыманы эрэ хаппыт буоллаҕына, быйыл эрдэ уу суола аһыллыыта Халыма өрүһүнэн Колымскай сэлиэнньэни таарыйан, Черскэй бөһүөлэккэ эмиэ ас-үөл тиэрдиллиэҕэ”, — диэн “Якутоптторг” АУо генеральнай дириэктэрин бастакы солбуйааччы Сайдам Степанов иһитиннэрдэ.
Арктиканы сайыннарыыны дойду уонна өрөспүүбүлүкэ салалтата инники күөҥҥэ туталлар. Дойду бэрэсидьиэнэ Владимир Путин Арктиканы баһылааһын туох да мөккүөрэ суох инники тутулларын эппитэ, бу макроэрэгийиэн оборуонаҕа, логистикаҕа уонна энергетичэскэй кыахха суолталааҕын бэлиэтээбитэ. “Арктика зоната Арассыыйаҕа стартегическай суолталаах. Бу баараҕай экэнэмиичэскэй кыахтаах эрэгийиэн. Онон салгыы баһылааһын уонна бу сиргэ усулуобуйаны тэрийии – туох да мөккүөрэ суох инники күөҥҥэ турар”, — диэн судаарыстыба баһылыга эппитэ.
Атыы-логистическай кииннэрэ Саха сиригэр 2021 сылтан Ил Дархан Айсен Николаев сорудаҕынан, дойду баһылыга туруорбут инники күөҥҥэ тутуллар соруктарын толоруу иитинэн тутуллар. Бүгүҥҥүтэ номнуо 8 киин үлэлиир, 2025 сылга диэри бары 13 Арктика улууһугар тутуллуохтаах.
Ил Дархан уонна Бырабыыталыстыба пресс-сулууспата.
ИДьМ Дьокуускайдааҕы салаатын полиция 1-кы нүөмэрдээх отделыгар куорат олохтооҕо чааһынай дьиэтиттэн 66 тыһ. солк. суумалаах…
Инбэлииттэргэ уонна инбэлиит оҕолоох дьиэ кэргэттэргэ араас өрүттээх көмө оҥоһуллар. СӨ Үлэҕэ уонна социальнай сайдыыга …
Дьокуускай куорат борокуратуурата 35 саастаах киһи холуобунай дьыалатыгар судаарыстыбаннай буруйдааһыны өйөөтө. Бу сууттаммыт киһи өлөрүүгэ…
Бүгүҥҥүттэн Дьокуускай куоракка Саха Өрөспүүбүлүкэтин муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ саҕаланна. Сийиэс икки…
РФ билимин, үрдүк үөрэҕин министиэристибэтэ 2026-2027 үөрэх дьылыгар министиэристибэ иһинэн үлэлиир үрдүк үөрэх кыһаларыгар тутарсарга,…
Федеральнай ханаал бырагырааматыгар Саха сиригэр олорор дьахтар төрүүр дьиэҕэ оҕотун уорбуттарын туһунан кэпсээтэ. Бу түмүгүнэн…