Арктика улуустарын 33 тыһыынчаттан тахса олохтооҕун доруобуйатын көрдүлэр

Өрөспүүбүлүкэ мобильнай биригээдэлэрин быраастара сылга Арктика  89 нэһилиэнньэлээх пуунугар 49-та сырыттылар.  Кинилэр Арктика улуустарын 33 тыһыынча тахса олохтооҕун доруобуйатын чинчийбиттэриттэн 11,8 тыһыынчата – оҕолор.

Эмчиттэр көһө сылдьан үлэлиир биригээдэлэригэр араас хайысхалаах улахан дьон 6 биригээдэтэ уонна оҕо быраастара састааптаах 1 биригээдэ үлэлээтилэр. Биригээдэлэргэ мэдиссиинэ 295 үлэһитэ, ол иһигэр 254 быраас, мэдиссиинэ 41 орто сүһүөх үлэһитэ үлэлэһэллэр.

Арктиканы биир кэлим тупсарыы дьоһун суолталаах хайысханан буоларын дойду бэрэсидьиэнэ Владимир Путин Артика  тирэх нэһилиэнньэлээх пууннарын сайыннарыы мунньаҕар бэлиэтээн эппитэ.