Үөрүүлээх сонун. Саха сирин Арктика оройуоннарыгар уонна төттөрү көтүүгэ субсидиялаах билиэт 2023 сыл кулун тутар бүтүөр диэри атыыланыа.
Билиэти “Полярные авиалинии” авиахампаанньа саайтыгар киирэн атыылаһыахха сөп. Онон Арктика улуустара субсидиялаах билиэт атыылаһан абыраныыһылар. Ордук Дьокуускай куоракка көрдөрө, эмтэнэ кэлэр, сынньана айанныыр дьоҥҥо көмөлөөх буолууһу. Дьокуускайга диэри көтөллөрүгэр 30-ча уонна итинтэн элбэх сууманы төлөөн көтө олорбут дьон абыраныыһылар. Кистэл буолбатах, сыана ыараханыттан сылтаан, Дьокуускай куораты кэлбэккэ олорооччу элбэх.
Санатан эттэххэ, ааспыт сыл тохсунньу ыйыттан Ил Дархан Айсен Николаев сорудаҕын чэрчитинэн, Арктикаҕа оройуоннарын олохтоохторо саастарыттан тутулуга суох субсидиялаах билиэтинэн Дьокуускайга уонна төттөрү көтөр кыахтаммыттара. Ону тэҥэ, авиакөтүү дьыл кэмиттэн тутулуга суох буолбута.
Субсидиялаах билиэти атыылаһарга ирдэнэр докумуон да аҕыйах. Ол курдук, улахан дьонтон пааспар, 14-гэр диэри саастаах оҕолорго төрөөбүт туһунан сибидиэтэлистибэ уонна олорор сиринэн регистрациялааҕын туһунан сибидиэтэлистибэ (8 форма) ирдэнэр.
Билиэти “Полярные авиалинии” хампаанньа саайтыгар киирэн атыылаһыахха сөп: https://polar.aero/
Авиахампаанньа “итии лииньийэтэ” : 8(4112)44-32-27, 88001005959
Ойуур баһаардара дьон олоҕор, кыылга-сүөлгэ уонна үүнээйилэргэ улахан кутталы үөскэтэллэр. Ойуур хаһаайыстыбатын сулууспатыгар эрийэн тиийэр…
Ыам ыйа - Айыыһыт түһэр кэмэ. Саха айылҕаҕа сүгүрүйэн, араас туому толорор. Сайын саҕаланар. Иэйиэхсит…
Халлаан сылыйан, хаар ууллан, аны өрүстэр эстэллэрин, муус барыытын кэтээһин-манааһын саҕаланна. Өлүөнэ тардыытынааҕы уу салалтата…
Былырыын, кулун тутар 1 күнүттэн "О побочных продуктах животноводства и о внесении изменений в отдельные…
Ил Дархан Айсен Николаев Арассыыйа Дьоруойа Александр Колесовы кытта көрүстэ. Көрсүһүү кэмигэр байыаннай дьайыыга снайпердары…
ИДьМ пресс-сулууспата иһитиннэрбитинэн, ыам ыйын 1 күнүгэр, Дьокуускайдааҕы полиция отделыгар 13 саастаах оҕо ийэтиттэн сайабылыанньа…