Хаартыска: "Якутия" авиахампаанньа пресс-сулууспата.
Бу күннэргэ норуот дьокутаата Гаврил Алексеев «Якутия 24» телеханаалга «Актуальное интервью» биэриигэ кыттынна. Биэрии кэмигэр Саха сиригэр Арктика зонатын ордук сытыы проблемалара таарылыннылар, ол иһигэр норуот дьокутаата Арктика улуустарынан авиабилиэт сыанатын туһунан кэпсээтэ.
Гаврил Алексеев этэринэн, Арктика улуустарынан авиабилиэт сыанатын чэпчэтии боппуруоһунан биир идэлээхтэрин кытта үлэ ыытыллыбыта ырааппыт. Ол курдук, авиабилиэт ахсаанын элбэтиигэ уонна үбүлээһинигэр бу сылга бүддьүөккэ киириэхтээх уларыйыылар оҥоһуллан бэлэмнэнэллэр.
«Чэпчэтиилээх авиабилиэт сыаната – бу биир сүрүн проблема. Ити боппуруоһу нэһилиэнньэни кытта көрсүһүү кэмигэр мэлдьи туруорсаллар. Норуот дьокутааттара бу боппуруоһунан күүскэ ылсан үлэлэһэллэр. Ол курдук, хайыы-үйэ кэккэ уларыйыылар киирбиттэрэ.
Аны туран биир сүрүн кыһалҕанан Арктика зонатын олохтоохторугар чэпчэтиилээх авиабилиэт ахсаана аҕыйах буолан, үгүс дьоҥҥо тиийбэтэ буолар. Онон чэпчэтиилээх билиэт ахсаанын элбэтэр туһугар үлэлиибит, былырыын кэккэ уларыйыылар киирбиттэрэ. Холобур, былырыын эбии 400 мөл. солк. кэриҥэ үп-харчы көрүллүбүтэ. Онон салгыы бүддьүөтү көннөрүү чэрчитинэн эбии үп-харчы көрүллэрин туруорсуохпут.
Иккиһинэн, субсидияламмыт билиэттэри булар олус уустук буолла. Тоҕо диэтэххэ, билигин билиэти интэриниэккэ, кассанан, билэр дьоннорун нөҥүө үгүөрү тарҕаталлар, итинэн сибээстээн үксүн субсидияламмыт билиэти ыраах сытар Арктика улуустарын олохтоохторо атыылаһар кыахтара суох. Манан даҕатан, СӨ Бырабыыталыстыбатыгар аадырыстаан субсидияламмыт билиэттэри атыылааһынын кэҥэтэргэ, ону кытта Арктика зонатын хас биирдии киһитэ сылга түөрт төгүл туһанар быраабын туруорсабыт. Бу боппуруос билигин Бырабыыталыстыбаҕа үөрэтиллэр. Бырабыыталыстыба этиибитин өйөөн, быйыл бастатан туран билиэттэри атыылыыр анал бырагырааманан хааччыйан, субсидияламмыт билиэттэри туһанааччыта кэҥииригэр көмөлөһүө дии саныыбын. Итини таһынан сууматын улаатыннарыахха наада. Баар уопуту туһанан Евгений Слепцовтыын бу хайысханан үлэни саҕалаатыбыт. Холобур Хабаровскай кыраайга Саха сириттэн үс төгүл элбэх субсидияламмыт билиэт атыыланар. Территорията быдан кыра, ол эрээри бүддьүөтүнэн субсидияламмыт билиэттэргэ элбэх үп-харчы көрүллэр. Онон Саха сиригэр бу сыалы ситиһэри баҕарабыт. Арктика зонатыгар олохтоохторо Саха сиринэн эрэ буолбакка, дойдубут атын эрэгийиэннэринэн чэпчэкитик көҥүл айанныахтаахтар», диэн Ил Түмэн пресс-сулууспата суруйар.
Кыыллар ахсааннарын учуоттуур Экология министиэристибэтин «фотоловушката» Хатас сэлиэнньэтин таһыгар Өлүөнэ өрүһү киртитии тахсыбытын бэлиэтээтэ. Ассенизатор…
Бүгүн Ил Түмэҥҥэ Елена Голомарева салайыытынан өрөспүүбүлүкэҕэ Арктика зонатыгар Инвестиционнай бырагыраама олоххо киириитин туһунан дьүүлэстилэр.…
Олунньу 6 күнүгэр Айсен Николаев анал байыаннай дьайыы кыттыылааҕын ийэтэ, волонтер Светлана Диодорованы-Лаврентьеваны кытта көрүстэ.…
Москваҕа «Россия» национальнай кииҥҥэ олунньу 5 күнүгэр «Билии» уопсастыбатын Бүтүн Арассыыйатааҕы «Билии.Лектор» куонкурус төрдүс сезонун…
Тохсунньу ый – Дьокуускайга өрөспүүбүлүкэ бүттүүнүттэн учууталлар түмсэр үгэскэ кубулуйбут кэмнэрэ. Өрөспүүбүлүкэ үөрэҕин үлэһиттэрин тохсунньутааҕы…
Дьокуускай куорат полициятын отделыгар уоруу туһунан олохтоох дьахтартан сайабылыанньа киирбит. Дьахтар комиссионнай маҕаһыыҥҥа кыһыл көмүс…