Арктикаҕа 1425 туонна бородууктаны тиэртилэр

2025 сыллааҕы навигация кэмигэр Арктикатааҕы эргиэн-логистика хампаанньата 1,5 тыһыынча туонна кэриҥэ социальнай хайысхалаах табаары хотугу улуустарга тиэртэ. Кыһыҥҥы кэмҥэ хампаанньа 4924 туонна бородууктаны тиэрдибитэ.

2025 сылга навигация кэмигэр 1425 туонна социальнай суолталаах бородуукта тиэрдиллибитэ, ол иһигэр:

• бурдук — 747,75 туонна;
• хортуоппуй — 187 туонна;
• хаппыыста — 76 туонна;
• моркуоп — 22 туонна;
• сүбүөкүлэ — 19 туонна;
• луук — 40 туонна.

Хампаанньа «Магдебург» уонна «Михаил Мальчиков» рефрижиратор-теплоходтары туһанар. Бу теплоходтар бородууктаны сибиэһэйдии тиэрдэллэр, тоҥ балыгы таһар кыахтаахтар. Онон балыктааһыны сүрүн дьарык оҥостор улуустарга олус туһалаах. 2025 сылга кинилэр балык хаһаайыстыбаларыттан 765 туонна балыгы аҕалбыттара.

Ол эрээри, уу таһыма намыһах буолан, Дьааҥы  өрүһүнэн Нижнеянскай — Уус Куйга маршрутунан бородуукта кыайан тиэрдиллибэтэ. Чокуурдаах — Белай Гора маршрутунан, Индигир өрүскэ уу таһыма намыһах буолан, кыра суудунанан 51 туонна сибиэһэй оҕуруот аһын эрэ тиэртилэр.

Орто Халыма куоратыгар 75 туонна социальнай суолталаах бородуукта тиэрдилиннэ. Уу таһыма намтаан, суудуналар Зеленай Мыс — Среднеколымскай маршрутунан иккис рейси кыайан оҥорботулар.