Хаартыска: улуус дьаһалтатын пресс-сулууспата
Алта саҥа биэлсэр-акушер пуунун уонна быраас амбулаториятын тутар туһунан Усуйаана улууһун Уйаандьы сэлиэнньэтигэр Саха сирин Арктиканы сайыннарыыга уонна Хоту дойду норуоттарын дьыалаларыгар миниистирэ Владимир Черноградскай иһитиннэрдэ.
“Арктика оройуоннарыгар инфраструктураны тэрийэр туһуттан ФАП-тары уонна быраас амбулаторияларын “Саха Өрөспүүбүлүкэтин Арктикатааҕы зонатын уонна Саха Өрөспүүбүлүкэтин Хоту дойду аҕыйах ахсааннаах төрүт норуоттарын сайдыыта” судаарыстыбаннай бырагырааманан тутан саҕалаатыбыт. Быйыл биэлсэр-акушер алта пуунун уонна амбулатоиягыы тутуу күүтүллэр”, — диэтэ өрөспүүбүлүкэ биэдэмистибэтин баһылыга.
Усуйаана оройуонун Уйаандьы сэлиэнньэтин сэргэ ФАП-тары Аллайыаха оройуонун Оленегорскайыгар, Булуҥ Сииктээҕэр, Дьааҥы Оһохтооҕор, Муома Кулун Өлбүтүгэр, Эбээн Бытантай оройуонун Дьарҕаалааҕар. Орто Халыма улууһун Сыбаатайыгар быраас амбулаториятын тутуохтара.
Уустук суоллаах-иистээх Уйаандьы национальнай нэһилиэгэ Депутатскайтан 40 км тэйиччи сытар. Уйаандьыга сүрүннээн эбээннэр олороллор.
Олохтоохтор “мобильнай дуоктардар” үлэлэрин хайҕаатылар. Уйаандьыга быраастар биригээдэлэрэ куруук кэлэр. Ыраах сытар сэлиэнньэҕэ оҕо быраастара уонна стоматолог-быраастар кэлээччилэр.
Уйаандьылар Сахаэнерго саҥа дизельнэй ыстаансыйатын, өрөмүөн кэнниттэн олохтоох оскуола үлэтин, учууталлар уопсай дьиэлэрин хайҕаатылар.
Олохтоохтор сайын оройуон киинигэр – Депутатскайга диэри пассажирдары таһыыга вездеходнай тиэхиньикэни биэрэллэригэр уонна Этно-култуура киинин саҥа дьиэтин уотунан сылытыыга көһөрүүнү көрдөстүлэр.
Бырабыыталыстыба отчуота Усуйаана улууһугар олунньу 21 күнүгэр диэри ыытыллыаҕа.
Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата
Бүгүн, ахсынньы 6 күнүгэр, Саха сирин сорох улуустарыгар -8 кыраадыс буолара күүтүллэр диэн УГМС иһитиннэрэр.…
Аҕа дойду Улуу сэриитин кыттыылааҕа Егор Балбахов, анал байыаннай дьайыы кыттыылаахтара Айаал Балбахов, Валентин Кутейкин…
Соторутааҕыта Дьокуускай куорат маҕаһыыннарыгар саҥа, интэриэһинэй бородуукта баар буолла – эноки диэн ааттаах тэллэй. Азия…
СӨ Ил Дархана Айсен Николаев, РФ Оборуонатын миниистирин солбуйааччы Александр Санчигы кытта, РФ Сэбилэниилээх күүстэрин…
Саха сирин үтүөлээх этээччитэ Арыйаана Романовна Михайлова тэрийбит үбүлүөйдээх күрэҕэр Ньурба улууһуттан Маар орто оскуолатыттан…
Саха сирин, Тыва, Камчатка үөрэх кыһаларын бүтэрбит эдэр дьон үксүн үөрэммит эрэгийиэннэригэр олохсуйан үлэлии хаалаллар,…