Хаартыска: Доруобуйа харыстабылын министиэристибэтэ
Ил Дархан Айсен Николаев сорудаҕынан олоххо киллэриллибит Доруобуйа харыстабылын бастакы сүһүөх звенотун модернизациялааһын бырагырааматын чэрчитинэн, Саха сирин ыраах сытар улуустарыгар мэдиссиинэ көмөтө улам-улам табыгастаах буолан иһэр.
Чуолаан, Саха Өрөспүүбүлүкэтигэр Арктика улуустарыгар мэдиссиинэ бастакы сүһүөх анал көмөтүн оҥоруу саҥа көрүҥэ олоххо ситиһиилээхтик киллэриллэр. Бу бырайыак олоххо киириэҕиттэн “мобильнай дуоктардар” Арктика ыраах сытар 89 сэлиэнньэтигэр тиийэн, Хотугу сир аҕыйах ахсааннаах төрүт норуоттарын бэрэстэбиитэллэрин (21 тыһыынчаттан тахса) доруобуйаларын көрдүлэр.
Уопсастыба доруобуйатын уонна мэдиссиинэ профилактикатын өрөспүүбүлүкэтээҕи киинин кылаабынай бырааһа Алена Никитинаны кытары “Саха сирэ” хаһыакка анаан кэпсэтииттэн кылгастык билиһиннэрэбит.
Алена НИКИТИНА:
-Ил Дархан Айсен Николаев Этиитин чэрчитинэн, 2021 сыл ахсынньытыгар Доруобуйа харыстабылын министиэристибэтигэр Арктика мэдиссиинэтин сайдыытын бырагырааматын оҥорорго сорудахтаммыта. Онон 2022 сылтан биһиги көхтөөхтүк үлэлээн барбыппыт. Былырыын саас Доруобуйа харыстабылын министиэристибэтэ Арктика мэдиссиинэтигэр бырайыактыыр лабораторияны тэрийбитэ. Лаборатория салайааччытынан доруобуйа харыстабылын миниистирин солбуйааччы Любовь Бурнашева, сэкирэтээринэн мин анаммыппыт.
Арктика лабораториятын чэрчитинэн, саҥа кэнсиэпсийэни оҥорор туһугар былаас уорганнарын, интэриэстээх тэрилтэлэри кытары кэккэ стратегическай сессиялар ыытыллыбыттара. Бу ыытыллыбыт улахан үлэ түмүгүнэн 2022 сыл бүтүүтэ Арктикаҕа мэдиссиинэ бастакы сүһүөх анал көмөтүн тэрийэргэ саҥа модель бырайыагын оҥорбуппут. Бырайыагы Ил Дархан өйөөбүтэ. Бырайыакпыт 2023 сылтан саҕаламмыта, уопсастыба доруобуйатын уонна мэдиссиинэ профилактикатын өрөспүүбүлүкэтээҕи киинин структурнай подразделениета – мобильнай биригээдэлэр өрөспүүбүлүкэтээҕи кииннэрэ тэриллибитэ.
2023 сыл олунньутуттан хайыы үйэ Артика улуустарыгар айаннаан барбыппыт. Алта мультидисциплинарнай биригээдэ састаабыгар Арктика улуустарыгар суох “узкай” исписэлиистэр киирбиттэрэ. Улуус кииннэригэр диэри көтөр аалынан тиийэн баран, улуус иһигэр көлөлөрү туһанабыт. Бу үлэлээбит кэммит устатыгар Арктика 13 оройуонун 89 нэһилиэнньэлээх пуунун олохтоохторун доруобуйатын көрдүбүт-иһиттибит (сорох улуустарга 2-3 төгүл сырыттыбыт).
(Алена Михайловнаны кытары кэпсэтиини “Саха сирэ” хаһыат аныгыскы нүөмэригэр, алтынньы 26 күнүгэр ааҕыҥ)
Нерюнгри оройуонугар буолуохтаах Олоҥхо ыһыаҕар эрдэттэн тиийээри, от ыйын 2 күнүгэр хайы-үйэ массыыналар субустулар. Хайдах…
Бу күннэргэ социальнай ситимнэринэн Дьокуускай куораттан Аллараа Бэстээххэ паромунан айаннаан иһэр пассажирдар Өлүөнэ өрүскэ сэлээркэ тохтон…
Ааспыт нэдиэлэҕэ ДНӨ уонна Белгород уобалаһын тирэх пууннарын үлэһиттэрэ Саха сирин байыастарыгар 188 аадырыстаах баһыылканы…
Электроннай табахтан, вейптан аккаастаныы "Давай бросать" диэн марафон саҕаланна. Биир санаалаахтар никотинтан тутулуктаах буолууну бохсорго…
"Буойун" киин «ВОИН.КИНО» бырайыагы билиһиннэрдэ. "Буойун" киин бырабылыанньатын бэрэссэдээтэлэ, Госдума дьокутаата, ЛНӨ дьоруойа Виктор Водолацкай…
Бүгүн үс үллэр үөстээх Өлүөнэ эбэ күнүгэр Хаҥалас улууһун олохтоохторо тахсаннар кытылы бөхтөн-сыыстан ыраастаатылар. …