Арктикаҕа мэдиссиинискэй көмөнү оҥоруу боппуруостарын тула кэпсэттилэр

Бу күннэргэ Москваҕа Федерация Сэбиэтигэр Саха сирин күннэрэ ыытылла турар. Бүгүн, ахсынньы 13 күнүгэр, Федерация Сэбиэтин социальнай бэлиитикэҕэ кэмитиэтин киэҥ ыҥырыылаах мунньаҕар Дьокуускайга инфекционнай балыыһа тутуутун, арктическай мэдиссиинэ,»Арктика оҕолоро» бырайыак, санитарнай авиация туһунан боппуруостары көтөхтүлэр. Мунньаҕы кэмитиэт бэрэссэдээтэлэ Инна Святенко ыытта.

Ил Дархан Айсен Николаев мунньах саҕаланыытыгар  туһааннаах кэмитиэт өрөспүүбүлүкэ туруорсууларын, этиилэрин өрүү өйүүллэрин иһин махталын биллэрдэ. Айсен Николаев кэлэр сылтан өрөспүүбүлүкэҕэ Арктическай оройуоннарга анал мэдиссиинискэй көмөнү оҥорууга пилотнай бырайыак үлэҕэ киириэхтээҕин туһунан кэпсээтэ.

Ол курдук, пилотнай бырайыакка олоҕуран, Арктика улуустарыгар мобильнай биригээдэлэр эрэгийиэннээҕи кииннэрэ баар буолуохтаах. Миэдиктэр ыраах баран үлэлииллэрин сэргэ, дистанционнай мэдиссиинискэй көмөнү оҥоруохтара.  Киин аныгы олох ирдэбилигэр эппиэттиир телемэдиссиинэ технологиятынан хааччыллыаҕа. Былаан быһыытынан быраастар чопчу биир нэһилиэнньэлээх пууҥҥа сылга түөртэ баран сылдьыахтара.

Киэҥ ыҥырыылаах мунньахха туох кэпсэтии тахсыбытын туһунан вице-премьер Ольга Балабкина маннык кэпсээтэ: