Хаартыска sakha.gov.ru ылылынна
Арктикатааҕы навигация хаамыытын бырабыыталыстыба хамыыһыйатын мунньаҕар Саха сирин вице-премьерэ Дмитрий Садовников хонтуруоллаата.
Арктика өрүстэринэн олоххо-дьаһахха наадалаах таһаҕаһы тиэйии былаана 2024 сылга 356,7 тыһ. туоннаҕа тэҥнэһэр.
Гражданскай оборуона дьыалаларыгар уонна нэһилиэнньэҕэ куттал суох буолуутун хааччыйыыга миниистирэ Дмитрий Лепчиков этэринэн, бүгүн 345 тыһ. туонна тиэрдиллибит (96,7 быр.).
Кини итини тэҥэ Дьааҥы, Индигиир өрүстэринэн тиэйии түмүктэммитин, бары таһаҕас тиийиэхтээх сиригэр тиийбитин туһунан бэлиэтээтэ.
Халыма өрүскэ “Сахаэнерго” АУо наадыйыытыгар Черскэйгэ уонна Зырянкаҕа ньиэп бородууктатын тиэйии түмүктэнэр. “Андрей Первозваннай” муора суудунатыттан Л-2063 танкерга “Сахаэнерго” АО-ҕа анаан 2,8 тыһ туонна ньиэп бородууктатын сүөкээтилэр. Суудуна Тиксиигэ бу күннэргэ тиийиэҕэ. Сүөкэнэн баран суудуна кыстыыр сиригэр барыаҕа. Манан Арктика навигацията түмүктэниэҕэ.
Саха сиригэр уунан тиэйии саҕаланыаҕыттан өрөспүүбүлүкэ наадыйыытыгар 1 мөл 159 тыһ. туонна тиэйилиннэ.
Санатан эттэххэ, Саха сиригэр навигация ыам ыйыгар саҕаланар уонна алтынньы ортотугар түмүктэнэр.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Үнүр солуоҥҥа тыҥырах оҥорторо тиийдим. Дьоҕус остуолга “Хаас оҥорторорбор гепатит, СПИД, сифилис уо. д. а. ыарыылар сыстыахтарын…
Бүгүн, атырдьах ыйын 30 күнүгэр, Дьокуускай куоракка Саха гимназиятыгар уопсастыбанньыктар, волонтердар, төрөппүттэр, үөрэнээччилэр кыттыылаах "Дьокуускай…
Өймөкөөн улууһун Сордоҥноох нэһилиэгин олохтоохторо Марта уонна Михаил Винокуровтар сайыҥҥы кэмҥэ оҕону үлэҕэ сыһыаран үлэ…
"Карат” диэн ыҥырыллар ааттаах, төрөөбүт Сахатын сиригэр “Е. Николаевна” диэн ытыктабыллаахтык ааттанар кэрэ аҥаар 2001 сылтан…
2025 сыл балаҕан ыйын 1 күнүттэн баантан эбэтэр микро-үп тэрилтэлэриттэн (МФО) ханнык эрэ табаары ыларга…
Полиция үлэһиттэрэ сокуоннай саастарын ситэ илик оҕолор көрүүтэ-истиитэ суох сылдьыыларын уонна буруйу оҥорууларын сэрэтэр систиэмэ…