Арктикаҕа таһаҕаһы тиэйиигэ харгыстар туоратыллыахтара

Өрөспүүбүлүкэ Ил Дархана Айсен Николаев бүгүн, алтынньы 21 күнүгэр,  «Саха» ГТРК «Прямой разговор» аһаҕас эпииргэ кытынна.

Кини Арктика улуустарын бородууктанан хааччыйыы туһунан ыйытыыга хоруйдаан, Орто Халымаҕа бу күннэргэ элбэх таһаҕас аҕалыллыбытын, харгыстар туоратыллыахтарын туһунан эттэ. Алтынньыга, сэтинньигэ уонна, наада буоллаҕына, ахсынньыга «күөх рейстэр»  тэриллиэхтэрэ.
Доруобуйа харыстабылын салаатыгар эми-тому атыылаһыыга үп кээмэйэ эбиллэрин туһунан эттэ. Ол курдук, эми-тому атыылаһарга 3 миллиартан тахса үп бэриллиэҕэ, онтон санитарнай авиацияҕа бэриллэр үп 1,3 миллиард курдук эбиллиэҕэ.