Хаартыска: SakhaGov
Арктика улуустарыгар кыһыҥҥы суолларынан таһаҕаһы тиэйии тэтимэ үрдүүр. Бу туһунан бастакы вице-премьер Дмитрий Садовников салайааччылаах, таһаҕас таһыытын дьүөрэлээһиҥҥэ биэдэмистибэлэр икки ардыларынааҕы хамыыһыйаларын мунньаҕар иһитиннэрдилэр.
Бырабыыталыстыба дьаһалынан бигэргэтиллибит, кыһыҥҥы суолунан олоҕу-дьаһаҕы хааччыйар таһаҕаһы таһыы кээмэйэ 613,4 тыһ. туоннаҕа тэҥнэһэр. Бүгүҥҥү күҥҥэ 92,1 тыһ. туонна тиэрдилиннэ, бу былаантан 15% кэриҥэ буолар. Арктика улуустарыгар 191,9 тыһ. туонна таһаҕаһы тиэрдии былааннанар, онтон билиҥҥитэ 9,2 тыһ. туонна, эбэтэр 4,8% тиэрдилиннэ.
Таһыы тэтимэ ааспыт сыллааҕы көрдөрүүлэргэ тэҥнээх, улахан хаалыы бэлиэтэммэт. Билигин хайысхаларга 239-ча тиэхиньикэ үлэлиир, бу эмиэ ааспыт сыл ити кэминээҕи таһымыгар сөп түбэһэр.
Таһаҕас таһыытын сүрүн кээмэйэ чугастааҕы кэмҥэ үрдүүүрэ күүтүллэр. Бу кэмҥэ, бастатан туран, Арктика хайысхаларынан, ону тэҥэ өрөспүүбүлүкэ үрдүнэн тиэхиньикэ ахсаанын элбэтэр былааннанар.
Мунньахха кыһалҕалаах боппуруостар эмиэ дьүүллэһилиннилэр, бастатан туран тэрилтэлэри, суол сулууспаларын уонна таһаҕас таһааччылары үбүлээһиҥҥэ сыһыаннаах боппуруостар. Үп министиэристибэтигэр сөптөөх сорудахтар бэрилиннилэр.
Дмитрий Садовников бэлиэтээбитинэн, олоҕу-дьаһаҕы хааччыйар таһаҕаһы тиэйиини үбүлээһин өрөспүүбүлүкэ Бырабыыталыстыбатын уонна Саха сирин Ил Дарханын болҕомтолорун киинигэр турар. Федеральнай таһымҥа ити хайысхаҕа үбүнэн-харчынан өйүүр хас да быһаарыы ылылынна. Билигин федеральнай сокуону олоххо киллэрии чэрчитинэн үбүлээһин уопсай кээмэйэ 10 млрд солкуобай кэриҥэ буолар. Үп министиэристибэтигэр үбү-харчыны тиэрдиигэ систиэмэлээх үлэни ыытарга сорудахтанна. Сиһилии: https://www.sakha.gov.ru/news/19504
Олунньу 17 күнүгэр күүтүллэр Күн өлүүтэ Арассыыйа сиригэр-уотугар көстүө суоҕа. Бу туһунан Москватааҕы планетарий пресс-сулууспата…
Ытык Күөлгэ Норуот айымньытын дьиэтигэр улуустааҕы төрөппүттэр түмсүүлэрин тэрийиитинэн "Родные-Любимые" пуорум ыытылынна. Бу пуорум биһиги…
Бүлүү улууһун борокуратуурата 85 саастаах дьахтар кыыһын сайабылыанньатынан аҕам саастаах олорор дьиэҕэ бырааба тутуһуллуутун бэрэбиэркэлээтэ.…
Арассыыйаҕа былырыын иккис ырыынакка кытай массыыналарын атыыта икки төгүл үрдээбитэ бэлиэтэммитэ. Итиниэхэ ордук 2021-2025 сыллардааҕы…
Дьокуускай куорат борокуратуурата 1997 с.т. олохтоох киһиэхэ сыһыаннаах холуобунай дьыалаҕа буруйдуур түмүгү бигэргэттэ диэн Саха…
Бу күннэргэ Хаҥалас уонна Абый улуустарын дэлэгээссийэлэрэ байыаннай дьайыы зонатыгар үлэлииллэр. Донецкай Норуодунай Өрөспүүбүлүкэҕэ Саха…