Андрей Сорокин түһэриитэ
Бастакы маннык томограф Орто Халыма балыыһатыгар 220 киһиэхэ диагноз туруорда диэн бу тэрилтэ кылаабынай бырааһын э.т. Анна Григорьева иһитиннэрдэ. Бу компьютернай томограф быйыл ыам ыйыттан үлэлэтиллэр.
“Доруобуйа харыстабыла” национальнай бырайыак көмөтүнэн Владимир Путин сорудаҕынан Саха сирин эмп тэрилтэлэрэ аныгы тиэхиньикэнэн хааччыллаллар.
“Ханна олороруттан тутулуга суох хас биирдии Саха сирин олохтооҕор үрдүк таһымнаах мэдиссиинэ көмөтүн оҥорорго доруобуйа харыстабылын иннигэр сорук туруоруллубута. Маны олоххо киллэрэргэ кэнники биэс сылга мэдиссиинэ тэрилтэлэригэр 670 араас тэрил бэриллибитэ. Горнай, Мэҥэ Хаҥалас, Мииринэй, Нам, Ньурба, Өлүөхүмэ, Орто Халыма, Томпо, Уус Алдан, Чурапчы оройуоннара компьютернай томографтарынан хааччылыннылар”, — диэтэ Айсен Николаев.
“Бүгүн 221 киһи чинчийилиннэ. Бу кэм устата КТ туһанан искэн уонна тымыр-сүрэх ыарыылардаах дьону буллубут. Ол курдук, искэн саҥа саҕаланан эрдэҕинэ: мэйиигэ, тыҥаҕа, куртахха, ноорго, бүөргэ, оһоҕоско. Ону тэҥэ КТ көмөтүнэн мэйиилэригэр хаан эргиирэ кэһиллиитин, бүөр аномальнай сайдыытын, быарга кистаны, сэллиги булбуппут”, — диэн Анна Григорьева иһитиннэрдэ.
Кылаабынай быраас компьютернай томограф диагностиканы сэргэ эмтээһин көдьүүһүн үрдэппитин бэлиэтээтэ. Мэйиигэ хаан эргиирин кэһиллиитин булуу ишемическэй инсультка тромболитическай терапияны ыытарга көмөлөһөр.
“Үп-харчы өттүнэн ыллахха, оройуон киинигэр компьютернай томограбынан диагностааһын ыарыһахтарга айан төлөбүрүгэр кэмчилииргэ көмөлөһөр. КТ оҥорор туһугар пациеннар Дьокуускайга бараллара”, — диэн бэлиэтээтэ кылаабынай быраас э.т.
Орто Халыматааҕы киин балыыһа оройуоннар икки ардыларынааҕы бастакы тымыр отделениетыгар Халыма-Индигир бөлөҕүн алта оройуонун хабар: Үөһээ Халыма, Аллараа Халыма, Муома, Абый, Аллайыаха, Орто Халыма.
Анна Григорьева бэлиэтииринэн, бу киин балыыһаҕа кислород концентратора, гастрофиброскоп, икки фетальнай монитор, 10 электрокардиограф, эндоскопическай консоль, эндоскоп, наркоз аппарата, стационарнай рентген, ФЛГ аппараттара ылыллыбыттар.
Быйыл Орто Халыма киин балыыһатын блогар хапытаалынай өрөмүөн түмүктэннэ. 2021 сылтан бу оройуоҥҥа Налимскайга, Березовкаҕа уонна Өлөөкө Күөлгэ үс амбулатория тутулунна. Былырыын УАЗ массыына бэриллибитэ, быйыл суһал көмө массыынатын ыллылар.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Андрей Сорокин түһэриитэ
Өлүөнэни туоратар муостаны тутуу бигэргэммит кыраапыгынан ыытыллар. Генеральнай бэдэрээтчит уонна бэдэрээтчит тутар-таҥар үлэ комплексын хааччыйаллар.…
“Саха сирэ – Дьоруойдар дойдулара” – билиини уонна уопуту туһанарга уочараттаах хардыы, диир байыаннай дьайыы…
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…
Саха Өрөспүүбүлүкэтин Ил Дархана Айсен Николаев “Россия24” телеханаалга “Быһа кэпсэтии” бырагыраама эпииригэр Дьокуускайга тырааныспар ситимин…