"ВИС" Бөлөх
Монтажниктар 30 миэтэрэни аһарар үрдүккэ куупал конструкциятын сылаас бүрүөһүнүн таҥыыга үлэлииллэр.
Судаарыстыбананй филармония уонна Арктикатааҕы эпос киинэ киирсэр Дьокуускай куоракка тэриллэр култуура кластерыгар саамай үрдүккэ үлэ ыытыллар. 30 монтажник 30 миэтэрэттэн үрдүккэ куупал тутулун – үс ураһа сылаас бүрүөһүнүн таҥыыга үлэни ыыталлар, диэн “ВИС” Бөлөх иһитиннэрэр.
Үс куупалга сабыы уопсай иэнэ 3 тыһыынча кв.м. тэҥнэһэр. Билиҥҥи туругунан үлэ аҥаарын бүтэрбиттэр. Тутааччылар пароизоляцияны уонна бастакы куупалга аква-панеллары таҥыыны түмүктээтилэр уонна халыҥатыыга киирдилэр, ону тэҥэ ууттан, тыалтан көмүскээһиҥҥэ. Иккис куупалга каркааһы тардыы ыытыллар.
Хас да хаттыгастаах бүрүөһүн систиэмэтэ сылааһы тутарга көмөлөһөр, сылытыыга ороскуоту аччатар уонна дьиэ иһигэр сөптөөх салгыны, эйгэни үөскэтэр.
Ону тэҥэ эбийиэк сэттэ этээһигэр ис үлэтэ ыытыллар.
Эбийиэк Уһук Илиҥҥэ култуура бастакы бөдөҥ кластерынан буолуоҕа. Дьиэ технологическай өттүнэн таҥыллыыта, филармония уонна тыйаатыр саалаларыгар акустиката дойдуга биир бастыҥнарынан биллиэҕэ. Уота-күөһэ, мультимедийнэй уонна акустическай оборудованиета өрөспүүбүлүкэҕэ биир былаһааккаҕа хас да тэрээһини тэҥинэн ыытар кыаҕы биэриэҕэ.
Саха сирин Ил Дархана Айсен Николаев Ил Түмэҥҥэ Анал этиитигэр бэлиэтээбитинэн, Кииҥҥэ инникитин хас биирдии муниципальнай оройуоҥҥа уонна куораттааҕы уокурукка сценаны биэриини бигэргэтиэхтэрэ.
“Бу Саха сирин бары олохтоохторо төрүт култуураларыгар бары биир сомоҕо буолалларыгар олус суолталаах. Арктикатааҕы эпос уонна искусство киинэ Саха сирин норуоттарын духуобунай култуураларын күүһүнэн, элбэх омук түөлбэлээн олорор Арассыыйаҕа култуура сыаннастарын хамсатыыга тирэҕинэн буолуоҕа диэн эрэнэбин”, — диэбитэ Айсен Николаев.
СИА.
Аҕа дойду Улуу сэриитин кыттыылааҕа Егор Балбахов, анал байыаннай дьайыы кыттыылаахтара Айаал Балбахов, Валентин Кутейкин…
Соторутааҕыта Дьокуускай куорат маҕаһыыннарыгар саҥа, интэриэһинэй бородуукта баар буолла – эноки диэн ааттаах тэллэй. Азия…
СӨ Ил Дархана Айсен Николаев, РФ Оборуонатын миниистирин солбуйааччы Александр Санчигы кытта, РФ Сэбилэниилээх күүстэрин…
Саха сирин үтүөлээх этээччитэ Арыйаана Романовна Михайлова тэрийбит үбүлүөйдээх күрэҕэр Ньурба улууһуттан Маар орто оскуолатыттан…
Саха сирин, Тыва, Камчатка үөрэх кыһаларын бүтэрбит эдэр дьон үксүн үөрэммит эрэгийиэннэригэр олохсуйан үлэлии хаалаллар,…
Бүгүн, ахсынньы 5 күнүгэр, Дьокуускайдааҕы А.Е. Кулаковскай аатынан норуоттар доҕордоһууларын дьиэтигэр өрөспүүбүлүкэ норуоттарын национальнай култуураларын…