Хаартыска СӨ Баһылыгын уонна Бырабыыталыстыбатын пресс-сулууспатыттан
Бу күннэргэ Дьокуускай куоракка баар Арктикатааҕы эпос уонна искусство киинин үрдүгэр 52 туонна ыйааһыннаах биир ураһа алын чааһын туруордулар диэн «ВИС» бөлөххө сигэнэн СӨ Баһылыгын уонна Бырабыыталыстыбатын пресс-сулууспата иһитиннэрэр.
Саха былыргы сайыҥҥы дьиэтин ураһаны көрдөрөр үс конструкция Арктикатааҕы эпос уонна искусство киинин киэргэтиэхтэрэ. Дьиэ үрдүгэр дьоҕус ураһа номнуо туруоруллубут, «ВИС» бөлөх бүгүн 75 туонналаах ураһаны туруора сылдьар.
Хас биирдии ураһа тутуута түһүмэҕинэн ыытыллар: тимир дьардьаманы туруоруу, биэс араҥа сабыыны таҥыы, бүтэһигэр ураһалары бүрүйэр хатыҥ мас туоһугар майгынныыр үрүҥ дьүһүннээх тигии панеллары туһанар былааннаахтар. Уопсайынан, конструкция уопсай ыйааһына 140 туоннаҕа тэҥнэһиэҕэ.
«ВИС» бөлөх бырайыагын дириэктэрэ Владимир Наханьков бэлиэтээбитинэн, учаастакка монолит үлэтэ түмүктэннэ, дьиэ үрдүн бүрүйүү үлэтэ бүтэн эрэр, фасад оҥоһулунна. Эбийиэккэ сылаас киирдэ.
«Бу тутуу сезонугар эбийиэк тас өттүн бүтэрэри ситистибит, ол эбийиэги кэмигэр туттарар, кыһыҥҥы кэмҥэ инженернэй уонна ситэрэр үлэни салгыы ыытар кыаҕы биэрэр», — диэн Владимир Наханьков эттэ.
Тутууга 300-тэн тахса киһи уонна 12 тиэхиньикэ үлэлиир.
Арктикатааҕы эпос уонна искусство киинэ Саха сирин норуоттарын эпическэй нэһилиэстибэлэрин уонна өрөспүүбүлүкэ бары улуустарын, куораттарын айар кэллэктииптэрин түмсэр былаһааккаларынан буолуоҕа.
Биир кэлим комплекска уопсайа 1530 миэстэлээх филармония, Эпос киинэ баар буолуохтара уонна аныгы оборудованиенан хааччыллыахтара.
Бүгүн, сэтинньи 8 күнүгэр, П.А. Ойуунускай аатынан Саха академическай тыйаатырыгар саха биллиилээх судаарыстыбаннай уонна бэлитиичэскэй…
Томмот полициятын отделын дьуһуурунай чааһыгар 43 саастаах бульдозерист сайабылыанньа суруйбут. Кини саайт нөҥүө оҥочо мотуорун…
Саха сирин Хапытаалынай өрөмүөҥҥэ пуондата ВКС эрэсииминэн кылгас болдьохтоох былаан туһунан муниципалитеттары кытта мунньах ыытта.…
Амма улууһун баhылыга Степан Николаевич Кузьмин муҥхатын кэмигэр, сэтинньи 9 күнүгэр балыктыыр биригээдэлэр икки ардыларыгар…
Бүлүү оройуоннааҕы полиция отделыгар олохтоох киһи 27 тыһ.солк. тахса харчытын уорбуттарынан сайабылыанньа суруйбут. Эмсэҕэлээччи банкеттыыр…
Күн бүгүн Өлүөхүмэ улууһун олохтоохторугар социальнай суолталаах икки улахан тутуу барар турар – доруобуйа харыстабылын…