Хаартыска: sakha.gov.ru
Дьокуускайга тутулла турар Арктикатааҕы эпос, култуура киинин үрдүгэр үһүс ураһа тимир каркааһын таҥан бүтэрдилэр диэн “ВИС” бөлөх иһитиннэрдэ.
Ол курдук, эбийиэк каркааһа бүтүннүү оҥоһулунна, онно үс ураһа уонна дьиэ үрдүгэр күөлү санатар дьэҥкир куупал баар буолуохтара. Үс конструкция уопсай ыйааһыннара 140 туонна.
Ураһаларга тыйаатырдар улахан уонна кыра саалалара, ону тэҥэ мультимедийнай саала баар. Кинилэр диаметрдара 15,6-тан 27,4 миэтэрэҕэ диэри халбаҥныыр, киин ураһа саамай үрдүк чыпчаала сиртэн 39 миэтэрэҕэ тиийэр.
Арктикатааҕы эпос, култуура киинин үрдэ ыалдьыттары күүлэйдэтэргэ уонна тэрээһиннэри ыытарга аналлаах туспа хааччыллыылаах сир буолуоҕа. Манна таастартан турар саад, “үрүҥ көмүс күөл” уонна амфитеатр баар буолуохтара. Дьиэ үрдүн уопсай иэнэ 9 тыһыынча квадратнай миэтэрэттэн тахса. Маннык аһаҕас халлаан анныгар үөһэттэн көрөр былаһаакка Дьокуускайга урут суох этэ.
Култуурунай кластер сыста сытар сиригэр эмиэ саҥа сынньалаҥ зоналара тэриллэн эрэллэр. Күүстээх тымныылар саҕалана иликтэринэ, Сайсары күөл тумуһаҕын тупсарыы түмүктэннэ. Манна сатыы дьон сылдьар сиригэр брусчатка уурулунна, банаардары туруордулар.
Арктика киинин тутуу уопсай бэлэмэ 70%-ны куоһарар. Былаһааккаҕа 235-тэн тахса исписэлиис уонна 12 анал тиэхиньикэ үлэлииллэр. Сэттэ этээс тухары иһинээҕи быыстары туруоруу, эркиннэри сыбааһын, муосталары сылытыы уонна гидроизоляция үлэтэ бара турар. Эбийиэккэ сылаас бэриллибитэ, онон ис үлэлэр кыһыҥҥы кэмҥэ тохтоло суох бараллар, диэн иһитиннэрэр Ил Дархан уонна бырабыыталыстыба пресс-сулууспата.
Бэрэбиэркэ хамнаһы, уоппусканы уонна бүтэһиктээх төлөбүрү төлүүргэ хойутатыы тахсыбытын, үлэ харыстабылын салайар систиэмэни оҥоруу уонна…
Алдан оройуонун Аллараа Кураанах бөһүөлэгин баһылыга Александр Усенко байыаннай дьайыы кыттыылааҕын аҕатын Хикмет Искандеровы кытта…
Полиция Дьокуускай олохтооҕор иирсээн кэмигэр бииргэ олорор дьахтарын төлөпүөнүн алдьаппытын иһин холуобунай дьыаланы тэрийдэ. ИДьМ…
Уус Алдан улууһун дьаһалтата, тэрилтэ салайааччылара байыаннай дьайыы кыттыылаахтарын, төрөппүттэрин, дьиэ кэргэттэрин кытта көрсүбүттэр. …
Ааспыт өрөбүллэргэ Дьокуускай куоракка 7 суол быһылаана тахсан, 3 киһи араас эчэйиини ылбытын туһунан Госавтоиниспиэксийэ…
Сунтаар улууһугар ааспыт сылга норуот ырыаһыта, олоҥхоһут, сыанаҕа үҥкүү култууратын төрүттээччи Сергей Зверев-Кыыл Уола төрөөбүтэ…