Хаартыска: sakhagov.ru
Дьокуускайга тутулла турар Арктикатааҕы эпос, ускуустуба киинэ Саха сиригэр баар Олоҥхо дьиэлэрин сүрүннүүр киин буолуоҕа.
Күн бүгүн өрөспүүбүлүкэҕэ 10 Олонхо дьиэтэ норуот эпоһын үйэтитиигэ, олоҥхону толоруу, истии култууратын тарҕатыыга, төрүт дьарыктары күннээҕи олоххо тарҕатыыга, норуот айымньытын уонна фольклорун сайыннарыыга көхтөөхтүк үлэлииллэр. Сыл аайы Олоҥхо дьиэлэрэ өрөспүүбүлүкэтээҕи Олоҥхо ыһыаҕын тэрээһиннэригэр көхтөөхтүк кытталлар.
Кластер өйдөбүлэ ханнык баҕарар норуот эпоһыгар иҥмит култуура куодугар олоҕурар. Бу саҥа дьиэҕэ Олоҥхо тыйаатыра, Саха сирин Судаарыстыбаннай филармонията киириэхтэрэ.
Санатан эттэххэ, 2022 сылга, Арассыыйа норуоттарын култуурунай нэһилиэстибэлэрин сылыгар өрөспүүбүлүкэ аҕа баһылыга Айсен Николаев Ыйааҕынан, Олонхо дьиэлэрин биир кэлим ситимэ оҥоһуллубута.
Олоҥхо дьиэтин ситимигэр 10 муниципальнай култуура тэрилтэлэрэ киирэллэр: Амма Эмиһигэр, Бүлүүгэ, Үөһээ Бүлүүгэ, Бэрдьигэстээххэ, Кэбээйигэ, Намҥа, Аллараа Бэстээххэ, Ньурбаҕа, Бороҕоҥҥо, Сунтаарга бааллар.
Арассыыйа бэрэсидьиэнэ Владимир Путин элбэх омуктаах Саха сирин култууратыгар туһулаан хайҕал тылларын хаста да эттэ. Ол курдук, 2024 сыл бэс ыйын 18 күнүгэр өрөспүүбүлүкэҕэ кэлэ сылдьан, сахалар талааннарын, бэйэлэрин национальнай култуураларыгар болҕомтолоох сыһыаннарын бэлиэтээбитэ, ону тэҥэ ыччаты айымньылаахтык иитэн сайыннарыыга махтаммыта.
Сиһилии аах: https://www.sakha.gov.ru/news/7490
Мэҥэ Хаҥалас улууһугар Аллараа Бэстээх сэлиэнньэтигэр учаастактааҕы балыыһа үөрүүлээх аһыллыыта буолла. 1200 кв. миэтэрэттэн тахса…
Амма улууһун Олом Күөлүн эргин ардай аһыылаах бөрөлөр баалларын туһунан “Наахара” бааһынай хаһаайыстыбатын баһылыга Егор…
Хаҥалас улууһугар дьахтар бииргэ олорор эр киһитин быһаҕынан анньан эчэтэн, холуобунай дьыала тэрилиннэ. Биир сарсыарда…
Өксөкүлээх Өлөксөй аатынан Норуоттар доҕордоһууларын дьиэтигэр «НовоГОДний лабиринт МультиВСЕленной» диэн оҕо тыйаатырын туруоруутун көрдөрдүлэр. Манна…
Ааһан эрэр 2025 сылы туһанааччылар иэһэ суох түмүктүүллэрин туһугар “СӨ ОДьКХ” ГУП Саҥа дьылы көрсө…
Дьокуускайга улахан суумалаах харчыны сүтэрбит киһиэхэ көмөлөстүлэр. Биир киһи харчыны булан баран, полицейскайдарга тыллаан, хаһаайынын…