Хаартыска: Сахафильм.
Арктикатааҕы судаарыстыбаннай култуура уонна искусство института кэлэр үөрэх дьылыттан “Киинэ, хаартыска уонна видео айар устуудьуйатын салайыы” саҥа үөрэх бырагырааматын арыйар. Бу туһунан институт ректора Саргылана Игнатьева этиитигэр сигэнэн ТАСС суруйар.
Бырагырааманы “Приоритет-2030” стратегическай академическай лидерства бырагырааматын иитинэн Сибиир уонна Уһук Илин тутаах киинэни оҥорооччутун — “Сахафильм” киинэ хампаанньатын кытта ситимнээх үлэлэһии көрүҥүнэн олоххо киллэрэллэр.
“Биһиги аудиовизуальнай контент эйгэтигэр үрдүк бэлэмнээх уһулуччулаах саҥа исписэлиистэри бэлэмниэхпит. Кинилэр ураты, бастыҥ киинэлэри (кинопродукция) оҥорор кыахтаныхтара. Сүрүн үөрэх бырагыраамата (бакалавриат) талааннаах, креативнай көрүлээх оскуоланы уонна орто анал үөрэҕи бүтэрээxчилэргэ туһаайыллар, Саха сириттэн эрэ буолбакка дойду атын эрэгийиэннэриттэн эмиэ”, — диэн Саргылана Игнатьева эппит, ону тэҥэ, Москватааҕы киинэ оскуолатын кытта эбии үөрэхтээһин бырагырааматын киллэрэр былааннаахтарын иһитиннэрбит.
Куурус маастарынан “Сахафильм” хампаанньа дириэктэрэ, ситиһиилээх продюсер, араас наҕараадалар лауреата Сардаана Саввина буолуоҕа диэн суруллар.
Владимир Путины 2026 сыл балаҕан ыйын 1 күнүгэр Жатай бөһүөлэгэр «Кэлэр кэм туочуката» үөрэх кластерын…
“Саха “НКИК суруналыыһа Олег Колесов Норуоттар сомоҕолоһууларын сылыгар дойду норуоттарын өйүүр миэрэлэр тустарынан ыйытыытыгар хоруйдууругар…
Бүгүн, ахсынньы 19 күнүгэр, Татыйаас Филиппова «Дойду» диэн ааттаах фотопоэзиятын персональнай быыстапка, «Үргэл» арт-галереяҕа аһылынна.…
Түмэл иитэр-үөрэтэр үлэҕэ музейнай педагогика диэн улахан суолталаах эйгэ буолар. Бу, оҕо экспонат көмөтүнэн устуоруйаны…
Саха сиригэр уот тарыыба социальнай тэрилтэлэргэ эмискэ улааппытын, онон саахал тахсар куттала баарын туһунан Саха…
Саха сирин Бырабыыталыстыбатын Бэрэссэдээтэлин солбуйааччы Георгий Степанов Арассыыйа Бэрэсидьиэнэ Владимир Путин пресс-кэмпириэнсийэтин – быһа эпиирин…