Хаартыска: "ПримаМедиа"
Бэһис төгүлүн ыытыллар В.К. Арсеньев аатынан Бүтүн Арассыыйатааҕы «Уһук Илин» литературнай бириэмийэ «кылгас испииһэгин» таһаардылар. Онно «Длинная проза», «Короткая проза», «Проза для детей» номинацияларга киирбит 9 айымньы аата ааттанна.
«Кылгас испииһэккэ» киирдилэр: «Длинная проза» номинацияҕа — «Щедрый Буге» (16+) Камиль Зиганшин, «Тэмуджин» (16+) Алексей Гатапов, «Амур, Сахалин, Камчатка» (16+) Алексей Василенко.
«Короткая проза» номинацияҕа — «Прииск на левом берегу Колымы» (16+) Валерий Мусиенко, «Рассказы дальневосточного охотника» (16+) Юрий Жекотов, «Звезда наша путеводная» (16+) Сергей Доржиев.
«Проза для детей» номинацияҕа — «В Петропавловске-Камчатском полночь» (6+) Светлана Волкова, «Священный олень» (6+) Зинаида Самсоненко, «Красный камень» (6+) Виталина Баженова (псевдоним — Лита Ли).
Саамай элбэх сайаапка Уһук Илин уокурук эрэгийиэннэриттэн, ол иһигэр Саха сириттэн киирбит. Дьүүллүүр сүбэ түмүк быһаарыытын бу сыл ахсынньытыгар таһаарыаҕа. Бириэмийэни туттарыы ахсынньы 9 күнүгэр буолуоҕа.
«Уһук Илин» литературнай бириэмийэ РФ бырабыыталыстыбатын бэрэссэдээтэлин солбуйааччы — Уһук Илиҥҥэ бэрэсидьиэн боломуочуйалаах бэрэстэбиитэлэ Юрий Трутнев көҕүлээһининэн төрүттэммитэ. Бастакы лауреаттар 2019 сыл ахсынньытыгар ааттаммыттара.
Бириэмийэ Уһук Илин туһунан суруйар ааптардары өйүүр, Арассыыйаҕа элбэх омук биир култуурунай эйгэлээх буоларын ситиһэр сыаллаах.
Ил Дархан, бырабыыталыстыба дьаһалтатын пресс-сулууспата
Ааспыт өрөбүллэргэ Росгвардия үлэһиттэрэ Саха сиригэр ирдэбилгэ сылдьар үс киһини туттулар. Икки киһи байыаннай борокуратуура…
Донецкай норуодунай өрөспүүбүлүкэ Еленовка бөһүөлэгэр Култуура дьиэтин үөрүүлээх аһыллыыта буолла. Манна Саха сирин артыыстара кыттыыны…
Суолу баттаһа оттугунан-уматыгынан хааччылыы хоту улуустарга тыын боппуруоһунан буолар. Аллайыаха улууһун Быйаҥныыр нэһилиэгэр хомунаалынай хаһаайыстыбаҕа…
Дьокуускайга ыам ыйын 10 күнүгэр элбэх кыбартыыралаах дьиэ тохсус этээһиттэн түөрт саастаах уол оҕо сууллубута.…
СӨ экологияҕа министиэристибэтэ Дьааҥы улууһугар ойуур баһаардарыттан уустук балаһыанньа буолбутунан сибээстээн, булт сезонун тохтотор туһунан…
Өлүөнэ өрүс мууһун алын кирбиитэ Ленскэй куораттан 10 км аллараа устар, үрдүкү кирбиитэ Ленскэй оройуон…