АРТ Киэргэ этномуода Дубайга барар буолла

АРТ Киэргэ сонун бренд «Киэргэ» ювелирнай дьиэтин саҥа тыыннаан, атырдьах ыйын  25-28 күннэригэр Санкт-Петербурга ыытыллыбыт “Этномода  — Суолта” («Этномода – Смыслы») диэн норуоттар икки ардыларынааҕы бэстибээлгэ бэйэтин кэллиэксийэтин ситиһиилээхтик билиһиннэрдэ.

Бу этническэй үгэһи аныгы дизайны кытта  дьүөрэлиир ураты көрүҥүнэн буолар сонун сүүрээн. Подиум кэрэ көстүүтэ «Мин төрдүм» («Мой род») – киэргэл уонна таҥас дьахтар аймах ис эйгэтин көстүүтүн ситимнээн, төрүт уонна хотугу истиили арыйыы. Торум ааптардара – «Ювелиры Арктики» ассоциация бэрэссэдээтэлэ, «Киэргэ» киэргэл дьиэтин дириэктэрэ Галина Павлова, дизайнер, СӨ култууратын үтүөлээх үлэһитэ, дизайнердар сойуустарын норуоттар икки ардыларынааҕы түмсүүтүн чилиэнэ,  өрөспүүбүлүкэ худуоһунньуктарын айар сойууһун чилиэнэ, «Киэргэ» киэргэл дьиэтин прикладной этнодизайнера Саргылана Ымыы, «Киэргэ» ювелира Геннадий Гаврильев.

Этномода бэстибээлэ үгэс быһыытынан аан дойду араас муннуктарыттан дизайнердары уонна худуоһунньуктары түмэр уонна култууралар икки ардыларынааҕы кэпсэтии платформатын быһыытынан үлэлиир. Быйылгы тэрээһин Арассыыйа дизайнердарыгар аан дойдутааҕы ырыынакка тахсар кыаҕы биэрдэ. Ол да иһин “Киэргэ” ювелирнай дьиэтэ Дубайга ыытыллар Инвестиционнай пуорумҥа кыттарга уонна аан дойду араас муннуктарыттан бу салааны салайааччылар, инвестордар уонна култуурунай бырайыактар ​​түмсэр аан дойдутааҕы  суолталаах тэрээһиннэригэр Арассыыйа Этномуодатын билиһиннэрэргэ бочуоттаах ыҥырыыны тутта.