Василий Кононов хаартыската
СӨ Тыатын хаһаайыстыбатын миниистирэ Артем Александров этэринэн, өйөбүл саҥа миэрэлэрэ тыа сирин социальнай-экэнэмиичэскэй сайдыытыгар дьайыахтара. Салааҕа өйөбүл миэрэлэрэ оҥорон таһаарыы көрдөрүүтүн улаатыннарыахтара.
Миниистир Артем Александров иһитиннэрбитинэн, Ил Дархан Айсен Николаев туһаайан этиитигэр туруорбут соруктара — 13 арктическай оройуоҥҥа атыы-логистическай киинин туһанан, миэстэтигэр олохтоох бородууктаттан оҥорон таһаарыыны тэрийии буолар.
«Икки нэдиэлэ анараа өттүгэр өрөспүүбүлүкэ бырабыыталыстыбата 2035 сылга диэри тыа хаһаайыстыбатын Арктическай зонатын сайдыытын кэнсиэпсийэтэ бигэргэммитэ. Бүгүҥҥү туһаайан этиигэ этиллибит сорудах — олохтоох бородууксуйаны, оҥорон таһаарыыны икки төгүл элбэтии буолар. Биһиги министиэристибэбит Арктика министиэристибэтин уонна уустук усулуобуйалаах 13 арктическай оройуону кытта оҥорон таһаарыыга үлэлэһиэхпит», — диэтэ миниистир.
Миниистир бэлиэтииринэн, субвенция уопсай сууммата кэлэр сылга 1 млрд.солкуобайынан үрдээн, 8,884 млрд солкуобайга тэҥнэспит. Бу муниципальнай оройуоннар баһылыктарыгар тыа хаһаайыстыбатыгар туһаныллар сирдэри туһаныыга улахан эппиэтинэһи сүктэрэр. Маны сэргэ олохтоох нэһилиэнньэ АПК салаатыгар дьарыктаах буолуутун ситиһэргэ көмөлөһөр.
«Тыа хаһаайыстыбатыгар баалабай бородууксуйаны оҥорон таһаарыы үрдүүрүн ситиһиигэ бөдөҥ инвестиционнай бырайыактары олоххо киллэриигэ министиэристибэ өттүттэн үлэ күүһүрүөҕэ «, — диэтэ Артем Александров.
Бу ый саҥатыгар Норуоттар икки ардыларынааҕы “Саха сирин бриллианнара” хаар уонна муус оҥоһук бэстибээлигэр араас…
Ааһан эрэр 2025 сыл Өймөкөөн улууһун олохтоохторугар айылҕа иэдээнэ -- алдьатыылаах халаан үгүс хоромньуну оҥорон,…
Саҥа дьылга эҕэрдэлэһэн буостанан аккырыыкка ыытыһар үтүө үгэс баара. Ол аныгы үйэҕэ уларыйан турар. Ол…
Саҥа дьыл үүнэр түүнүгэр оҕолуун-уруулуун бары туох эмит дьиктини, уратыны, аптааҕы күүтэбит. Чаһы кураана охсорун…
Бэйэлэрин норуоттарыгар үгүс дьоһуннаах айымньылары хаалларбыт суруйааччылар ааҕааччы өйүттэн-санаатыттан сүппэттэр, кинилэр үлэлэрэ көлүөнэттэн көлүөнэҕэ тириэрдиллэн,…
СӨ Доруобуйа харыстабылыгар министиэристибэтэ мэдиссиинэ тэрилтэлэрин бырааһынньыктааҕы уонна өрөбүл күннэргэ -- ахсынньы 31 күнүттэн тохсунньу…