Артем Александров тыа хаһаайыстыбата сайдарыгар үлэлэһиэ диэн эрэллээхпин

Сэттис ыҥырыылаах Ил Түмэн иккис пленарнай мунньаҕар СӨ тыатын хаһаайыстыбатын миниистирин дуоһунаһыгар Артем Александрову анааһыҥҥа дьокутааттар сөбүлэҥнэрин биэрэннэр, миниистиринэн анаммыта. Бу туһунан Нам улууһун II Хомустаах нэһилиэгин баһылыга Лев Новгородов санаатын үллэһиннэ:

— Артем Александрович  Александров СӨ тыатын хаһаайыстыбатын миниистиринэн анаммыта оруннаах дии саныыбын. Тоҕо диэтэххэ, кини бу эйгэҕэ баай уопуттаах, тыа хаһаайыстыбатын үлэтин-хамнаһын иһиттэн билэр киһи буолар. Кини тыа хаһаайыстыбатын министиэристибэтигэр исписэлиис дуоһунаһыттан үлэтин саҕалаабыта. Онон бу эйгэҕэ саҥа хайысхалары тобулуо, тыа хаһаайыстыбата сайдарыгар күүскэ үлэлэһиэ диэн эрэллээхпин.