Уус Алдантан төрүттээх Артур Бурцев Сочига буолбут марафоҥҥа кыайыы көтөллөннө. Сыл аайы “Сочи Марафон-2022” улахан күрэхтэһиигэ күүстээх спортсменнар кытталлар. Быйыл 71 эрэгийиэнтэн, 10 дойдуттан 5200 сүүрүүк кэлэн кытынна диэн “Спорт Якутии” иһитиннэрэр.
Артур Бурцев билигин Санкт-Петербурга олорор. Кини бу марафоҥҥа 5 килэмиэтирдээх дистанцияны 15:43 мүнүүтэҕэ сүүрэн, кыайыыны ситистэ. Бу сайын Саха сирин норуоттарын оонньууларыгар эмиэ бу дистанцияҕа кини кыһыл көмүс мэтээли ылбыта. Оттон 10 килэмиэтирдээх сүүрүүгэ күн уотугар оҕустаран, сүрүүттэн туораабыта. Бу сыл ыам ыйыгар Москватааҕы полумарафоҥҥа 5 килэмиэтиргэ кыайан турар. Былырыын Манчаары оонньууларыгар Артур Бурцев 5000 м сүүрүүгэ эр дьоҥҥо чөмпүйүөннээн турар.
«Сочи Марафон» сэтинньи ыйга сыллата куорат киин өттүгэр буолар. Тыһыынчанан спортсмен 5, 10, 21.1 уонна 42,2 килэмиэтир уһуҥҥа сүүрэллэр.
Артур Бурцев быйыл биһиги хаһыаппытыгар биэрбит интервьютун ааҕыҥ.
Сыл түмүгүнэн үтүө үгэһинэн, сылын ахсын Оһуокай ыһыаҕа ыытыллар. Быйылгы Оһуокай ыһыаҕа от ыйын 12…
Дьокуускайга Аҕа дойду Улуу сэриитин бэтэрээнэ Петр Константинович Яковлев 100 сааһын туолуутун үөрүүлээх быһыыга-майгыга чиэстээтилэр.…
Хаһаайыстыбаннай мыыла туһата элбэх эбит. Аҥардас таҥас сууйарга эрэ буолбакка, хаһаайыстыбаҕа барытыгар туһаныахха сөп эбит.…
Арассыыйа Бэрэсидьиэнэ Владимир Путин байыаннай таҥас кэтиитигэр уларыйыы киллэрэр туһунан Ыйаахха илии баттаата. Докумуон быраап…
Таатта улууһугар Ытык Күөлгэ ыытыллыбыт күрэс төрүт көрүҥнэригэр XXII “Манчаары оонньууларын” уопсай хамаанданан түмүктэрэ билиннэ. …
От ыйын 10 күнүгэр XXII-с Манчаары оонньууларын чэрчитинэн Д.К. Сивцев-Суорун Омоллоон аатынан Чөркөөх түмэлигэр «Манчаары…