Артур Портнягин «Ты — супер!» биэриигэ кыттар

Биир дойдулаахпыт 17 саастаах Артур Портнягин НТВ ханаалыгар  «Ты супер!» биэриигэ кыттыаҕа. 

ЯСИА суруйарынан,  Артур Портнягин кыттыылаах биэрии бүгүн, балаҕан ыйын  14 күнүгэр киэһэ 20.20 ч. көстүөҕэ.

Артур тоҕус сааһыгар диэри оҕо дьиэтигэр олорбут.  2017 с. кинини уонна игирэтин аҥаарын Богданы  иитэ ылбыттар.

Артур —  дэгиттэр талааннаах уол, ыллыырын сөбүлүүр.  Маны таһынан айылҕаҕа сылдьарын, балыктыырын, астыырын сөбүлүүр. Успуордунан дьарыктанар,  волейболга Саха сирин сүүмэрдэммит хамаандатыгар баар.