Хаартыска: ntv.ru саайтан.
Олоҥхо тыйаатырын уонна киинэ артыыһа Гаврил Менкяров «Таграй» диэн Арассыыйатааҕы таһымнаах детективкэ уһулла сылдьар. Бу туһунан ntv.ru суруйар.
Гаврил киинэҕэ сүрүн оруолу — Чукотка табаһытын Таграйы оонньуур. Полиция үлэһитэ буолуон баҕарар ыра санаалаах Таграйы Москваттан сылдьар дьокутаат олоҕун быыһаабытын иһин, бэйэтигэр ыалдьыттата ыҥырар. Киин куоракка күүлэй, сынньалаҥ оннугар Таграй чунуобунньук кыыһын уорууну арыйыыга кыттар.
«Таграй» детектиби НТВ телеханаал устан саҕалаабытын туһунан иһитиннэрбит. Сүрүн оруоллары Гаврил Менкяров уонна Алексей Барабаш толороллор.
Гаврил Менкяров: «Таграй — чукча норуотун бэрэстэбиитэлэ, айылҕаҕа чугас, төрүт үгэстэри тутуһар көннөрү киһи. Кини ис киирбэх уонна санаатынан ыраас. Дьылҕа Хаан быһаарыытынан олох атын тэтимнээх уонна сыаннастардаах Москваҕа кэлэн хаалар. Бу сырыы кини уол оҕоттон эр киһи буоларыгар көмөлөһөр. Саха сиригэр гостуруоллар уонна экспедиционнай устуулар кэмнэригэр хоту улуустарга элбэхтэ сылдьыбытым, табаһыттары кытта алтыспытым. Ол эрээри атын омугу оонньуур уустук, ардыгар кутталлаах даҕаны диэххэ сөп. Ол иһин бэлэмнэнэр кэммэр Чукотка норуотун туһунан үгүһү ааҕа, билэ-көрө сатаабытым», — диэн ханаалга иһитиннэрбит.
Киинэни Москваҕа уонна Московскай уобаласка уста сылдьаллар.
Ааспыт нэдиэлэ устата Дьокуускай куорат мээрийэтин административнай хамыыһыйата сымыйа кафеҕа, түүҥҥү кулуупка уонна итирдэр утахтары…
Соторутааҕыта тахсыбыт “Саха култууратын тиэрминнэрин нууччалыы-сахалыы, сахалыы-нууччалыы тылдьыта” дьоҥҥо-сэргэҕэ бэрт туһалаах буолсу. Аныгы курдук хас…
Чуапчы улууһун Соловьев нэһилиэгин баһылыгын боломуочуйатын болдьоҕун иннинэ тохтотор туһунан суут быһаарыыта күүһүгэр киирдэ. Чурапчы…
Офтальмология өрөспүүбүлүкэтээҕи балыыһатын мобильнай быраастара ыраах сытар нэһилиэнньэлээх пууннарга, ол иһигэр Арктика улуустарыгар, харахха эпэрээссийэлэри…
Бүгүн күнүс улуус киинин Амманы уонна Чакыр нэһилиэгин бэйэ-бэйэлэриттэн "арааран" турар Амма өрүс биир кытыллыттан…
Саха сиринээҕи Суут бириистэптэрин управлениетын Дьокуускай куораттааҕы салаата кирэдьиит төлөбүрүн төннөрөр туһунан дьыаланы түмүктээтэ. Дьокуускай…