Дьокуускайга Арассыыйаҕа биллэр киинэ артыыһа, тэлэбиидэнньэ ыытааччыта Татьяна Арнтгольц көтөн кэлэн, саха киинэтигэр уһулла сылдьар. Кини «Против течения. Диодоровы» киинэҕэ тириэньэр оруолун оонньуур.
Режиссер Сандал Баишев Паралимпийскай оонньуулар үрүҥ көмүс мэтээлин хаһаайкалара, аан дойду, Европа чөмпүйүөнэ, РФ успуордун үтүөлээх маастара Анастасия Диодорова туһунан киинэни уста сылдьар.
Кулун тутар 18 күнүттэн «Чолбон» бассейнҥа киинэ устуута саҕаланна. Маассабай устууга көрөөччүлэр наада буоланнар, Дьокуускай олохтоохторун сайыҥҥылыы таҥнан кэлэн, киинэҕэ уһуллалларыгар ыҥырбыттара. Маныаха көрөөччү миэстэтин толорор курдук элбэх киһи кыайан кэлбэтэ.
Татьяна Арнтгольц номнуо 2-с №-дээх Өрөспүүбүлүкэтээҕи балыыһаҕа киинэ сыаналарыгар уһуллубута. Бүгүн «Чолбон» бассейнҥа уһулунна. Кини урут да спортивнай драмаҕа оонньообут оруоллаах этэ: «Чемпионы» киинэҕэ Елена Бережная оруолун толорбута.
«Анастасия олоҕун устуоруйата олус дьикти, ураты — кини санаатын күүһэ, кыайыыга дьулуура сөхтөрөр… Кини чахчы Дьоруой кыыс. Онон маннык дириҥ суолталаах киинэҕэ уһулларбыттан үөрэбин», — диэн Татьяна Арнтгольц бэлиэтиир.
Кулун тутар 18 күн;гэр — ол аата бүгүн Татьяна Арнтгольц төрөөбүт күнэ. Киинэ устар бөлөх кинини төрөөбүт күнүнэн эҕэрдэлээтилэр, кыракый торт бэлэхтээн, чүмэчи үрдэрдилэр.
Оттон «Против течения. Диодоровы» киинэҕэ Анастасия 2003 сыллаахха паралимпиадаҕа бэлэмнэнэрэ көстөр, кини Афины куоракка буолуохтаах Олимпиадаҕа путевканы хайаан да ылыахтаах. Оччолорго кини 13 эрэ саастааҕа.
Настя оруолун Дьокуускай куорат 17-с №-дээх оскуолатын 7-с кылааһын үөрэнээччитэ Маша Иванова толорор. Оттон режиссера кимий? Сандал Баишев бу иннинэ «Бүгүн-Былыр» кэмиэдьийэ-киинэҕэ сценарист быһыытынан бэйэтин биллэрбитэ.
Санатар буоллахха, быйыл Саха сирин кырачаан эрээри, күүстээх санаалаах кыргыттарын туһунан киинэлэр уһуллаллар, ол курдук, Карина Чикитова туһунан киинэ сотору киэҥ экраҥҥа тахсыахтаах.
Уочараттаах "Олоххун уларыт!" аһымал социальнай аахсыйа бүгүн, ыам ыйын 16 күнүгэр, Дьокуускай куоракка ыытыллыаҕа. Бу…
Бу күннэргэ “Туймаада ыһыаҕа-2024” национальнай бырааһынньык официальнай саайта үлэтин саҕалаата. Дьокуускай куорат дьаһалтатын пресс-сулууспата иһитиннэрбитинэн,…
Саха сиригэр Олимпиада, Паралимпиада, Сурдлимпиада уонна Үтүө Дьулуур оонньууларын чөмпүйүөннэрин уонна призердарын матырыйаалынай өттүнэн хааччыйыыга…
Як-40 зондировщик сөмөлүөт Дьокуускай куоракка ыам ыйын 15 күнүгэр, сэрэдэҕэ, Новосибирскай куораттан кэллэ. Киин аэрологическай…
Бу күннэргэ гражданскай уопсастыбаны сайыннарыыга Ил Дархан граныгар куонкуруска киирбит сайаапкалары үөрэтии түмүктэннэ. Грант ыларга…
Бүгүн, ыам ыйын 16 күнүгэр, Саха сирин синоптикара Ленскэй, Өлүөхүмэ, Сунтаар, Ньурба, Үөһээ Бүлүү, Бүлүү…