Арыгы атыылаан холуобунай дьыалаҕа эрилиннэ

Дьокуускайга полиция 1 нүөмэрдээх отделын учаскуобайа рейдэ кэмигэр сокуону кэһэн туран хаттаан арыгы атыылаабыт дьахтары тутта.

Ол курдук  54 саастаах Кэбээйи улууһуттан төрүттээх дьахтар лиссиэнсийэтэ суох үлэтигэр арыгы атыылаабыт.  Туһааннаах дьахтар урут эмиэ  административнай эппиэтинэскэ тардылла сылдьыбыт.

Инньэ гынан сокуону хаттаан кэспитинэн сибээстээн, РФ  Холуобунай кодексын 171.4  ыст. («Незаконная розничная продажа алкогольной и спиртосодержащей пищевой продукции») холуобунай дьыала көбүтүллүбүт.