Арыгы иһэн баран, уруулга олорон, массыынатын былдьатта

Мэҥэ Хаҥалас улууһугар биир киһи хаһыс да төгүлүн арыгы иһэн баран, массыынаны ыытан, сууттанна.

Суут быһаарбытынан, 58 саастаах киһи урут арыгы иһэн баран, массыынаны ыытан, административнай эппиэтинэскэ тардыллыбыт. Онтон туох да түмүгү оҥостубакка, быйыл алтынньыга эмиэ арыгы иһэн баран, уруулга олорбут.

Судаарыстыбаннай буруйдааччы этиитинэн, 180 чаастаах булгуччулаах үлэҕэ ананна уонна 2 сылга диэри массыынаны ыытар бырааба быһылынна. Маны таһынан, массыыната судаарыстыба суотугар былдьанна.

Бириигэбэр сокуоннай күүһүгэр киирэ илик.