Арыгы испитин иһин, массыынатын былдьаппыт…

Дьокуускай куорат борокуратуурата 35 саастаах дьахтары буруйдуур холуобунай дьыаланы өйөөтө. Бу дьахтар итирик туруктаах массыынаны ыыта сылдьан тутуллан, РФ Холуобунай кодекс  264.1  ыстатыйатын 1 чааһынан (итирик туруктаах массыынаны ыыта сылдьан, иккиһин түбэһии) сууттанна.

Суукка биллибитинэн, 2025 сыл атырдьах ыйыгар дьахтар итирик туруктаах  «Toyota Ist» массыынатын ыыта сылдьан, тутуллубут. Кини урут эмиэ итирик туруктаах ыыта  сылдьан тутуллан, административнай эппиэтинэскэ тардылла сылдьыбыт эбит.

Судаарыстыбаннай буруйдааччы санаатын учуоттаан, суут дьахтары 160 чаастаах булгуччулаах үлэҕэ уонна 2 сыл устата массыынаны ыытары кытта сибээстээх үлэҕэ үлэлиирин боборго диэн уураахтаата.

Буруйданааччы «Toyota Ist» массыыната судаарыстыба дохуотугар тутулунна.

Бириигэбэр сокуоннай күүһүгэр киирэ илик диэн СӨ Борокуратуурата иһитиннэрэр.