Арыгы ыллара ыыппыт дьахтара харчытын уорбут

Топмотооҕу ИДьМ дьуһуурунай чааһыгар Хаандыга олохтооҕо баанын счетуттан харчытын уорбуттарын туһунан иһитиннэрбит диэн СӨ ИДьМ пресс-сулууспата суруйар. Хоромньу 100 тыһ.солк. тэҥнэспит.

Суһал-ирдиир тэрээһиннэр ыытылланнар, холуобунай ирдэбил үлэһиттэрэ 34 саастаах уорбаланааччы дьахтары быһаарбыттар.

Быһаарыллыбытынан, эр киһи кыбартыыратыгар арыгы иһэ олорбут уонна билэр дьахтарын маҕаһыынтан баран арыгы, ас атыылаһан кэлэригэр көрдөспүт. Итиэннэ кини дьахтарга баан картатын биэрбит уонна пин-куодун эппит. Онон туһанан, дьахтар бу каартанан маҕаһыынтан атыыласпыттарын төлүү сылдьыбыт, бэйэтин наадатыгар бараабыт.

Уоруу диэн ыстатыйанан холуобунай дьыала тэрилиннэ.