Арыгылаан баран табаарыһын өлөрбүт

Силиэстийэлиир кэмитиэт  Өлүөхүмэ оройуонунааҕы силиэстийэлиир салаата 2-с Нөөрүктээйи нэһилиэгин 53 саастаах олохтооҕор холуобунай дьыаланы тэрийдэ.

Ол курдук  Арассыыйа Федерациятын холуобунай кодексатын 105 ыст.1 ч. нэһилиэк олохтооҕо киһини өлөрүүгэ уорбаланар. Силиэстийэ дааннайынан, уорбаланааччы уонна  39 саастаах табаарыһа буолан арыгылаабыттар. Арыгылааһын кэмигэр кыыһырсан турбуттар, онуоха уорбаланааччы табаарыһын искэ быһаҕынан анньыбыт. Эмсэҕэлээбит эр киһи таһырдьа сүүрэн тахсыбыт, ол эрэээри ылбыт бааһырыытыттан  өлбүт. Ону нөҥүө күнүгэр ыаллыы олорор дьахтара булан полицияҕа тыллаабыт.

Билиҥҥи туругунан туһааннаах холуобунай дьыаланан силиэстийэлиир үлэлэр ыытыллаллар диэн СӨ Силиэстийэлиир кэмитиэтин пресс-сулууспата иһитиннэрэр.