Арыгылыы бараары, сыаналаах атах таҥаһын уорбут

Аллараа Халыматааҕы ИДьМ салаатын дьуһуурунай чааһыгар олохтоох дьахтар 17 тыһ.солк. сыаналаах атаҕын таҥаһын уордарбытын туһунан иһитиннэбит. Маныаха эрдэ наркотигынан сууттана сылдьыбыт 46 саастаах дьахтары уорбалаатылар.

СӨ ИДьМ пресс-сулууспата иһитиннэрэринэн, уорбаланааччы дьахтар арыгылыы бараары гыммытыгар, бииргэ олорор киһитэ ыыппатах. Эр киһи дьахтары ыытымаары, атаҕын таҥаһын кистээн кэбиспит. Онуоха дьахтар бастакы этээскэ түһэн, атын кыбартыыраттан киирэн кроссовка уоран кэтэн барбыт.

Уоруллубуту төннөрдүлэр. Уоруунан холуобунай дьыала тэрилиннэ. Уорбаланааччы алта сылга тиийэ көҥүлэ быһыллыан сөп.