«Drivee» сыһыарыынан сокуоннайа суох арыгыны эргиммит эдэр дьон тутулуннулар

Бу сыл тохсунньу саҥатыгар Ньурба улууһун Сүлэ сэлиэнньэтигэр Саҥа дьыллааҕы бырааһынньыктарга киһини өлөрүү түбэлтэтэ тахсыбыта.

Алдьархай быһылаан арыгы содулуттан тахсыбыт: этиһии түмүгэр биир эдэр киһи атаһын куухуньа быһаҕынан анньан өлөрбүт. РФ Холуобунай кодексатын 105-с ыстатыйатынан холуобунай дьыала тэриллибит.

Кэлин силиэстийэ быһаарбытынан, аһыы утаҕы доҕордуулар «Drivee» сыһыарыы нөҥүө сакаастаабыттар. Арыгыны эдэр курьердар аҕалан биэрбиттэр. Аһыы утаҕы аҕалбыт суоппардар арыгыны сокуоннайа суох атыылааһын иһин эппиэккэ тардылыннылар. Кинилэртэн биирдэстэрэ 30 тыһыынча солкуобайга ыстарааптанна, иккис дьыала көрүллэр диэн ИДьМ сулууспата суруйар,