Арыгыттан сүһүрүү 173 түбэлтэтэ бэлиэтэммит

Дьокуускай куоракка Суһал мэдиссиинискэй көмө станциятыгар от ыйын 4 — 10 күннэригэр 2 798  ыҥырыы киирбит.

Мантан  2 183-тэ Суһал көмө биригээдэтэ бастакы мэдиссиинискэй көмөнү оҥоро барбыт.

673  оҕо мэдиссиинискэй көмөнү ылбыт, ол иһигэр суукканы эргиччи үлэлиир педиатрическай пост сүбэтин-аматын (төлөпүөн нүөмэрэ 32-63-55).

917 киһи балыыһаҕа аҕалыллыбыттан, 381 киһи госпитализацияламмыт.
Арыгыттан сүһүрүү 173 түбэлтэтэ бэлиэтэммит.  Буруйу оҥорууну кытта сибээстээх 72 ыҥырыы (вызов) оҥоһуллубут. Суол саахалыгар 12 киһи эчэйиини ылбыт уо. д.а.

Суһал мэдиссиинискэй көмө сулууспатын нүөмэрэ 103. Биир кэлим сулууспа нүөмэрэ 112. Дистанционнай-консультативнай пост — 32-63-55.