Арыйаан Тютрин көҥүл тустууга Венгрияҕа ыытыллыбыт турнирга боруонса призер буолла

Будапешт куоракка көҥүл тустууга норуоттар икки ардыларынааҕы «Имре Пойяк и Янош Варга» диэн рейтиннээх турнир буолан ааста. Манна Саха сирин көҥүл тустууга оскуолатын иитиллээччитэ, Беларусь сүүмэрдэммит хамаандатын чилиэнэ Арыйаан Тютрин 57 киилэҕэ боруонса призер буолла. Бу туһунан «Триумф» пресс-сулууспата иһитиннэрэр.

Квалификациялаах киирсиигэ Арыйаан Тютрин Азербайджантан сылдьар бөҕөскө Ислам Базаргановка 2:5 ахсааҥҥа хоттордо. Утарылаһааччыта финалга тахсыбытынан, Тютрин боруонса иһин тустар кыахтанна. Кини салгыы Казахстантан Адилет Алмухамедовы 12:1 ахсааҥҥа, Грзияттан Роберти Дингашвили 10:0 ахсааҥҥа кыайда.