Арылхан Гаврильев көҥүл тустууга Арассыыйа первенствотын кыһыл көмүс мэтээлин ылла

Саха спортсмена Арылхан Гаврильев  көҥүл тустууга Арассыыйа первенствотын күрэхтэһиитигэр (истэргэ кэһиилээх дьоҥҥо успуорт) кыһыл көмүс мэтээли ылла.

Ону тэҥэ Саха сирин сүүмэрдэммит хамаандата үс боруонса мэтээли ылла. Бу туһунан «Триумф» Саха сирин сүүмэрдэммит хамаандаларын успуорка бэлэмниир өрөспүүбүлүкэтээҕи киинэ иһитиннэрэр.

Саранскайга Саха сирин сүүмэрдэммит хамаандатыгар сүрүн тириэньэр Василий Стрекаловскай уонна Эрчимэн Макаров салалтатынан көҥүл тустууга Арассыыйа первенствотын күрэхтэһиитэ 23 саастарыгар диэри спортсменнарга түмүктэннэ.

Арылхан Гаврильев пьедестал бастакы үктэлигэр 74 кг диэри ыйааһыннаахтарга таҕыста. Боруонса мэтээллэри Николай Свинобоев (57 кг), Айаал Кыдаев уонна Тимофей Стручков (61 кг) ыллылар.