Хаартыска: Мария Васильева, СИА.
Бэс ыйыгар Саха сиригэр 861 кырачаан оҕо төрөөтө: 448 уол уонна 413 кыыс.
СӨ Доруобуйаҕа харыстабылын министиэристибэтин иһитиннэрбитинэн, 6 ый устата эрэгийиэҥҥэ 5117 оҕо төрөөбүт, онтон 2454-дэ кыыс, 2663-һэ уол оҕо.
ЗАГС управлениетатын дааннайынан, бэс ыйыгар уолаттарга Александр, Арылхан, Лев, Марк, Михаил, Тимур, Эрсан диэн ааттар киэҥник тарҕаннылар.
Бэс ыйыгар төрөөбүттэрин туоһулуур сибидиэтэлистибэни ылбыт уолаттар сэдэх уонна ураты ааттарын испииһэгэр Кириян, Прокопий, Робертин, Савва, Теодор, Эльдар, Ян киирдилэр.
Бэс ыйыгар кыргыттарга София, Кэрэли, Айаана, Амелия, Ева, Сайаана, Сайнаара диэн ааттар киэҥник тарҕаннылар. Сэдэх уонна ураты ааттар испииһэктэригэр – Дарьяна, Илана, Лиса, Мая, Санита, Тая, Эльга.
2020 сылтан өрөспүүбүлүкэҕэ элбэх оҕолоох ыал ахсаана 10%-нан улаатан, 34,6 тыһыынчаттан таҕыста. Ааспыт сылга төрөөбүт оҕолор 44%-нара дьиэ кэргэҥҥэ үһүс уонна онтон кэлэр оҕолорунан буоллулар. 2024 сыл түмүгүнэн өрөспүүбүлүкэ нэһилиэнньэ үүнүүтүн тэтиминэн Арассыыйа Федерациятыгар 12-с миэстэни, оттон төрөөһүнүнэн Уһук Илин эрэгийиэннэрин ортотугар 1-кы, дойдуга 10-с миэстэни ылла.
Дойду Бэрэсидьиэнэ Владимир Владимирович Путин дьиэ кэргэни, ийэ буолууну уонна оҕо сааһы өйөөһүн боппуруостарыгар улахан болҕомтотун уурар. 2025 сылга дойдуга «Дьиэ кэргэн» диэн саҥа национальнай бырайыак үлэлээн саҕалаата. Болҕомто киинигэр – Арассыыйа дьиэ кэргэттэрин тускула уонна олохторун хаачыстыбата.
«Дальний Восток – Земля приключений» куонкуруска “Тропами Победы” (“Кыайыы ыллыгынан”) диэн саҥа номинация баар буолла.…
Саха сиринээҕи ИДьМ наркотигы хонтуруоллуур отделын үлэһиттэрэ бобуулаах веществолары сокуона суох тарҕатыыга уорбаланар 30 саастаах…
Леонид Попов аатынан Сунтаар улуустааҕы библиотекатын айымньылаах үлэтин биир бэлиэ көстүүтүнэн үгэс курдук ыытыллар “Сунтаар…
Өрөспүүбүлүкэтээҕи Олоҥхо ыһыаҕын сүрүн түгэннэриттэн биирдэстэринэн «Батыйа - эр хоһуун санаа уонна үрдүк таһым бэлиэтэ»…
Нерюнгригэ Олоҥхо ыһыаҕар түөрт сыллааҕыта Үөһээ Бүлүүгэ саҕаламмыт «Олоҥхону ааҕабыт» бырайыак салҕанна. Үгэс курдук, бырайыагы…
Саха сиригэр 1 тииптээх саахарынай диабеттаах 2-17 саастаах оҕолор сыл бастакы аҥаарыгар глюкоза тиһигин быспат…